NAGMAYA ang mga rebeldeng New People’s Army (NPA) human wa masamdan ang ilang hanay atol sa pakiggiyera sa kasundalohan, alas 5:30 sa buntag niadtong Lunes, Marso 25, sa Barangay Suawon, New Corella, Davao del Norte.
Sa impormasyon nga gipadala sa 10th Infantry Division, Philippine Army, natigayon sab ang usa ka engkuwentro sa sama nga oras sa Barangay El Salvador sa sama nga dapit.
Mokabat 30 ka mga rebelde nga gituohang mga sakop sa NPA ang na-engkwentro sa 25th Infantry Battalion ubos sa 1001st Infantry Brigade.
Milungtad og duha ka oras ang sinukliay og bala nga miresulta sa pagka-angol sa usa ka sundalo ug pagkamatay sa laing usa pa nila ka kaubanan.
“Other interventions such as stress debriefing will also be provided,” sulti ni Municipal Administrator Alex Pana atol sa gipahigayong initial damage/intervention assessment sa mga bakwit sa evacuation center, Martes.
Wa pa gikabutyag ang pangalan sa sundalo nga namatay ug nasamdan sanglit wala pa mapahibalo ang ilang mga pamilya. (Jeepy P. Compio)