SUPERBALITA CAGAYAN DE ORO

ICU sa J.R Borja hospital magamit na sa Abril

GITAKDANG magamit na sa unang semana sa bulan sa Abril ang North Wing Admin and Information Building Phase 1, ilabi na ang critical care unit human sa gipahigayong partial turnover sa diha sa J.R Borja General Hospital (JRBGH) niadtong Martes, Marso 26.

Gitambungan ni Dr. Francisco Duque, Secretary sa Department of Health (DOH), ang gipahigayong blessing sa surgery nurse station, laundry & linen, cadaver holding building, comfort rooms nga dunay public lounge ug ang critical care unit.

Matud ni Dr. Ramon Nery, acting chief of hospital sa JRBGH, nga nagpaabot na lamang sila sa license to operate ug na-inspeksiyon na kini sa DOH ug posibleng magamit na kini sa Abril.

“Dili pa we are still waiting for the license to operate. We have been pre-inspected by the DOH. First week of April magamit na ni siya,” matud ni Nery.

Gidugang pa niini nga tanan nga serbisyo sa maong ospital libre kini alang sa katawhan dili lamang sa siyudad apan sa tibuok rehiyon.

“Murag naay fiesta dinhi permi, galinya ang mga tawo dinha but they are willing to wait because services are available and all our services are rendered free to the citizens of Cagayan de Oro City,” dugang niini.

Samtang gidayeg usab ni Duque ang pamunoan ni Moreno ug nanghinaot nga molungtad pa ang ilang partnership alang sa pagserbisyo ug paghatod og mga programa sa katawhan ilabi na sa panglawas.

“We look forward to the partnership with the City Government of Cagayan de Oro and there is much to expect and certainly the DOH would love to partner with local chief executive with the caliber of Mayor Oscar Moreno in pursuing the genuine reforms and transformation of the city in General and particular in health systems and health programs of this city,” matud ni Duque.

Gipahalipayan usab niini ang mga empliyado sa maong ospital sa ilang serbisyo.

Gipahimangnoan usab niini ang tanan nga dili paigo ang nindot nga ospital ug mga teknolohiya nga gigamit apan ang pinaka-importante mao ang pagserbisyo ug pag-atiman sa mga pasyente.

Samtang gibutyag usab ni Moreno nga lain na usab kini nga makasaysayon nga panghitabo sa iyang pamunoan ilabi na kaniadto nga grabe ang mga pagbabag sa iyang mga proyekto ug usa na ang panglawas.

Ang lokal nga kagamhanan sa siyudad ang nag-abaga sa critical care unit, diin anaa sa P9.5 milyones sa infrastructure ug P40 milyones sa mga makina ug ekipo ug lakip na sa mga empleyado. Samtang ang DOH-Health Facilities Enhancement Program nga anaa sa P40.5 milyones ug laing P20 milyones alang sa maong proyekto sa panglawas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph