OPISYAL nga sugdan karong adlawa ang Philippine Basketball Association (PBA) All-Star Weekend sa Calasiao, Pangasinan.
Inig abot sa PBA delegation sa probinsya nga nabantog sa ilang rice cake, mopahigayon kini og courtesy call alang kang Mayor Joseph Bauzon sa Calasiao Municipal Hall.
Human niini, ang tanang mga partisipante adunay motorcade nga pagasundan og meet and greet sa Robinson’s ug CSI Mall.
Ugma ipahigayon ang three skills challenge nga mao ang Obstacle, Three-Point Shootout, ug Slam Dunk contest.
Si Beau Belga maoy defending Obstacle course champion, si James Yap maoy defending Three-Point shootout king, samtang si Rey Guevarra maoy reigning Slam Dunk title holder.
Human sa skills challenge, ipahigayon ang Rookies/Sophomores versus Juniors selection.
Mopahigayon sab ang PBA og referees and basketball clinics inig ka Sabado unya mobisita og barangay, medical center, ug orphanage isip tipik sa Corporate and Social Responsibility (CSR) program sa liga.
Karong Dominggo ipahigayon ang North vs. South All-Star Game. Si Phoenix Pulse Fuel Masters coach Louie Alas maoy mogiya sa North team samtang si Rain or Shine Elasto Painters coach Caloy Garcia maoy modala sa South squad. (ESL)