LEYTE - Ni-withdraw sa iyang kandidatura isip kongresista sa segundo distrito sa Leyte si Atty. Niccolo Villasin.
Si Villasin nisumiter sa iyang pagpahibawo sa iyang withdrawal alas 4 pasado sa hapon, Marso 22, 2019.
Si Atty. Villasin ang igsuon ni Tacloban City Councilor Raissa Villasin, kinsa nagpapili pagka provincial board member.
Si Konsehal Villasin gireklamo og perjury.
Matod ni Atty. Villasin, pinaka rason niya ang pagtutok sa paglaban sa iyang igsuon.
“As a lawyer, kinahanglan nako depensahan kutob sa akong makaya para sa akong igsuon kay iba na kini nga storya kay igsuon na nako ila ginaaway,” matod ni Villasin.
Gawas niini, buot na usab magpuyo ni Atty. Villasin sa usa ka pribadong kinabuhi ug hatagan na og panahon ang iyang pamilya.
Si Atty. Villasin nahuman na sa iyang termino isip board member busa nagpapili kini pagka kongresista.
Matod ni Atty. Villasin, nalipay ang iyang pamilya sa iyang desisyon nga moatras sa kandidatura.
“I am very much committed to help the district, the province kay di nato pwede pasagdan” matod ni Villasin.
Kon wala pa moatras sa kandidatura sa Atty. Villasin, makaatbang unta niya sila si incumbent Congressman Henry Ong, Atty. Alberto Hidalgo ug Karen Javier.
Apan human sa iyang pag withdraw, pormal nga giindorso ni Atty. Villasin si Karen Javier nga suportahan sa kandidatura.
“Pagka congressman, I am formally endorsing Ms. Karen Javier kay nakit-an ko nga may kasingkasing siya pag serbisyo sa distrito,” matod ni Villasin.
Gitutokan na karon ni Atty. Villasin ang mga lakang sa pag counter sa reklamo nga gipasaka batok sa iyang igsuon.