SECTIONS
Saturday, August 17, 2019
SUPERBALITA CEBU

Cash incentives sa senior citizens ihatag sugod sa edad 80: partylist candidate

MAGHIUSA ang Buhay Partylist ug si senatorial candidate Romulo Macalintal paghatag og dugang benepisyo para sa 9 milyones ka mga senior citizen sa nasod.

Si Macalintal, kinsa kuyog ni Representative Lito Atienza sa Buhay Partylist, niingon nga mohimo siya og Senate Bill nga maghatag og P30,000 sa mga lolo ug lola nga makaabot sa edad nga 80.

Laing P30,000 inig patong sa 90 anyos ug ang katapusang P40,000 inig abot sa 100 ka tuig.

Gihulagway ni Macalintal nga sa maong paagi, makabenepisyo pa ang mga lolo ug lola.

Mohimo sab siya og balaod nga ang senior citizen nga nag-edad og 80 makabaton og 30 porsiyento nga discount sa tambal ug 40 porsiyento sa nag-edad og 90 ug 50 porsiyento sa mga centenarian.

Si Atienza, kinsa nahimong mayor usab sa Manila, nibutyag nga siya maoy mohimo og version sa House of Representatives ug iya kining dugangan.

Gawas sa P100,000, hatagan og laing tag P1 milyon ang maong senior citizen sa matag tuig lapas sa usa ka siglo.

Sa maong paagi, gipadayag ni Atienza ug Macalintal nga amumahon og maayo sa mga anak ug apo ang ilang apohan kinsa maoy responsabli sa ilang pagpatubo.

Samtang, ang Buhay Partylist representative niingon nga pabor siya sa mga balaod nga makahatag og kaayohan sa katawhan ug supak sa death penalty inay pahamtangan og silot nga pagkabilanggo sa tibuok kinabuhi.

Naobserhan ning kasamtangang pagpanghatag og P100,00 sa mga senior citizen inig abot sa edad nga 100 dili na kaayo mapahimuslan niini tungod sa kaluya na sa ilang lawas tungod sa pangidaron,

Tuyo sa bag-ong sugyot sa pagtagitagi sa kuwarta sa paghatag aron ilang magamit sa paglingaw sa kaugalingon, dili lang sa pagpalit og tambal.

Ang mga centenarian takos sa pagmahal ug pag-atiman. Maisip nga bayani human nahimon dakong kabahin sa kalihokan sa nasod. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph