GILABNI sa Golden State Warriors ang pagpanguna sa Western Conference human midaug kontra Memphis Grizzlies, 118-103.
Nagtinabangay sila Stephen Curry ug Kevin Durant nga parehong miposte og 28 puntos alang sa Warriors.
Duna say 10 rebounds si Curry, ug si DeMarcus Cousins midugang og 16 markers ug siyam ka rebounds aron mabuak sa Warriors ang pagkatabla sa Denver.
Minghoy sab ang 27 points ug 13 rebounds ni Jonas Valanciunas alang sa Memphis.
Pacers gidiskaril sa Pacers
Sa pikas bahin, mikamada og 31 puntos si Paul George aron pangunahan ang Oklahoma City Thunder, 107-99 aron madispatsa ang Indiana Pacers.
Wa sab pauwahi sila Steven Adams nga mipasud og 25 puntos ug 12 rebounds, si Russell Westbrook nga may 17 points, 12 assists ug 11 rebounds alang sa iyang ika-29 triple-double karon nga season.
Miiskor sab og 28 puntos si Bojan Bogdanovic, ug si Domantas Sabonis og 18 points ug 10 rebounds alang sa Pacers.