Showbiz: Paulo Avelino, hubog o way tulog?

(Hulagway, City Government of Panabo)
(Hulagway, City Government of Panabo)

NAGPANGUTANA karon ang mga netizens kung hubog ba gyud o kuwang ra's katulog ang aktor nga si Paulo Avelino samtang nagperform kini sa usa ka event sa Panabo.

Ang aktor, usa sa guest performer atol sa Governor's Night sa siyudad, Marso 25, subay sa 18th Araw ng Panabo.

Sa live feed sa City Government of Panabo, makita ang kahugyaw sa dapit human gianunsiyo ang pagsaka ni Paulo sa stage.

Mga Panaboans nag-ambak-ambak sa kalipay dihang milugwa ang aktor ug giharana ang katawhan sa kantang 'Your Love' sa Alamid.

Apan, sa kadugayang kanta sa aktor, daw wa na kini mitunong sa lyrics. Lahi sab ang aura niini samtang nag-perform tungod nagpunay og ngisi-ngisi nga sukwahi sa 'medyo seryosong' peg niya.

Nagkagubot pa ang mga misud-ong tungod minaug sa stage si Paulo ug gikamayan ang mga fans nga excited kaayong nakakita kaniya.

Sa pagbalik og saka sa aktor sa stage, ug namulong na kini, dinhi nakurat ang kadaghanan tungod sa way tiyempo o tumong niyang gipanulti.

Sagad sa mga nanan-aw sa live feed sa City Government of Panabo ang nag-comment og heart broken emojis, uban ang pagpangutana, hubog si Paulo?

Ania ang pipila kanila:

"Hubog jud siya ana ngshow.. dali2x adto sa backstage kay kasukaon na."

"Kanang nakaadto mi pero hubog sya??? sge nlngggg idol ang pogi moooo?

"Murag hubog Jud xa..cge LNG gwapo man ghapon.."

Nasayran nga si Andrew E. unta ang mo-perform apan tungod sa conflict sa schedule, wala maka-abot ang rapper.

Yawyaw sa usa ka nakalantaw sa concert nga unta nagpaka-professional ang aktor, misalang kini nga di hubog.

"Mao gyud. Ok ra jud unta tipsy2x siya. Pero grabe jud. As in choli. Naa diha sa vid na nagstorya siya pero wa juy masabtan. Pati ang performance kay buang jud.." yawyaw sa dismayado sa gihimo sa aktor.

Luyo kang Paulo, anaa sab sa programa sila Sunshine Garcia ug Saicy Aguilar.

Wala pa say pahayag ang kampo sa aktor labot sa maong pasangil.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph