MAPAGARBOHONG gipahibalo sa inila nga fashion designer, mentor ug coach alang sa photography, commercial ug runway modeling nga si Dexter Alazas ang paglunsad sa bangga nga Ginoong Pilipinas. Lahi kini sa nag-una nga Ginoong Filipinas.
Kini alang sa mga lalaki nga may gitas-on nga 5’10 pataas, 18 ngadto sa 27 anyos, ulitawo ug may dugong Pinoy. Tuyo niini ang sustainable tourism ug pag-empower sa mga lalaki pinaagi sa social enterprise, arte ug kultura, kahimsog ug maayong panglawas.
Tuyo niini nga ipasaka ang pageant standards ug pamaagi. Sanglit heroes inspired kini, ilunsad ang pageant sa Abril atol sa pagsaulog sa Kadaugan sa Mactan isip tribute sa labing unang bayani, Lapulapu, ug sa national hero nga si Jose Rizal.
Himoon ang screenings sa Mayo ug pormal nga ilunsad sa Hunyo 12 diin ipailaila ang 24 ka mga kandidato. Sa Septyembre ang Cebu finals ug sa Oktobre ang national finals diin upat ka major titles ang tigi-an sa mga kandidato.
•••
Nag-groundbreaking alang sa Centro NorthZion premium mall sa Brgy. Canduman, Mandaue City sa niaging semana. Kini proyekto sa Zion Masterpiece Corp. ug anha kini sa gibarugan karon sa North Zion Centrale.
Modugang sa kabibo ang mga dapit sa kaon ug lingawlingaw. Sa groundbreaking, may santos nga misa nga gisundan sa kalingawan nga giablihan sa acoustic duo nga Friends of the COO ug gisundan sa laing mga grupo.
•••
Koronahan ugma ang Ms. M-Talent 2019 sa Waterfront atol sa ikapito nga anibersaryo sa M-Talents & Promotions ni Mdm. Aida Patana. Sa di pa kini, dunay cocktail ug dinner.
Molingaw sila si Stephanie Lhui, Sheila ug Sheina, Power Trio, Daniel Matsunaga ug Neil Coleta. Mga pahalipay!
•••
Sa una kong pagkakita ni Jimwell Pacquiao, ang kamaguwangang anak ni Sen. Manny Pacquiao, nakaingon ko nga may star factor kini. Karong bag-o, niangkon kini nga may relasyon uban ni Heaven Peralejo.
Kanay manag-uyab, moangkon dayon. Di maghulat nga dunay proyekto una pa magpahibalo sa madlang pipol.
Ipadayon kaha ni Jimwell ang plano nga mosunod sa lakang sa iyang papa? Maayo pag mag-artista ni siya aron di maguba ang hitsura.