SA ULAHING pagbisita sa mga miyembro sa Rotary Club of Cebu West ug Rotary International sa buhatan sa Department of Social Welfare and Development (DSWD) -7’s Area Vocational Rehabilitation Center (AVRC) II, ang organisasyon nisaad alang sa ilang padayong pagsuporta sa ahensiya.
Ang organisasyon nihatag og salapi ug aktibong nalambigit sa mga kalihokan sa pagpalambo sa kahimtang sa persons with disability.
Sa Memorandum of Agreement gilagdaan niadtong 2003, ang Rotary Club of Cebu West nisagop sa AVRC II isip iyang centennial project ug nihatag og livelihood opportunities sa mga graduwado sa semento.
Usa niini mao ang pag-abli og massage clinic sa Mactan Cebu International Airport diin ang Rotary Club nihatag sa furniture ug fixtures sa pagtabang sa DSWD nga makaabot sa standards sa usa ka clinic sulod sa international airport; tie-up project sa Supercat Fast Ferry Corporation uban sa AVRC II PWD clients nga magkanta sa nagpaabot nga pasahero sa port terminal diin ang ilang uniporme ug musical instruments gi-sponsor sa Club; pagtabang sa pakignegosasyon sa Casino-Filipino Cebu sa Waterfront Hotel sa pagpatrabaho og PWDs sa Hotel; ug nahimong taytayan sa nagkalainlaing kalihokan sa sentro sa mga Rotary Bazaar nga naghatag kanila og dugang kita.
Ang Rotary Club of Cebu nagsugod sa pagtabang sa DSWD – 7 AVRC II niadtong 1992 uban sa social responsibility commitment sa pag-ayuda sa Department sa pagpalambo sa kahimtang sa mga kabus. (Tampo)