DI DALI nga ibaligya ug siguradong langawon ra ang giingong boxing match tali Senador Manny Pacquiao ug IBF welterweight champion Errol Spence Jr.
Kini ang pahayag sa pipila ka mga analysts sa Estados Unidos.
Suma pa, nindot kini nga ideya kung basehan ang negusyo, apan way ayo sa punto de vista sa boxing.
Sa Bombo Radyo, gibutyag ni boxing expert Atty. Ed Tolentino nga kuninitan unta ang maong away kung impresibo ang gipakita ni Spence sa uwahi ning duwa.
Duha ka semana na ang nakalabay, nadepensahan ni Spence ang iyang IBF title kontra Mikey Garcia pinaagi sa unanimous decision.
Sugyot hinuon sa mga eksperto nga inay hagiton si Pacquiao, angay ipursige ni Spence ang usa ka unification bout kontra WBO welterweight champion Terrence Crawford.
Pinaagi niini, makita kung kinsa ang mas haum nga mohagit sa Pinoy eight-division world champion.
“Mas gusto ni Spence si Pacquiao kasi, in a way nakatatanggap din siya ng batikos kasi isang overweight na Mikey Garcia, hindi niya napatumba. Siya ang mas may kailangan kay Pacquiao. Si Pacquiao hindi siya kailangan,” ni Tolentino.
“It would have been marketable kung naging impressive siya kay Mikey Garcia, eh hindi. So tingin ko mahirap ibenta ‘yan,” dugang niya.