NAGPA-BLOTTER sa kapulisan sa Sta. Ana Police Station ang usa ka 60-anyos nga lolo human siya giingong gikawatan sa tawo nga nakig-istorya kaniya sud sa usa ka shopping center sa Uyanguren Street, Davao City sa miaging adlaw.
Si Manong Nardo, 60-anyos, taga Lanao del Norte, nagbutyag nga niadtong milabay nga adlaw nag-shopping sila uban sa iyang asawa.
Dihang dunay miduol kaniya kinsa mihanyag og hilot ug mihatag og coupon alang sa discount.
Apan dihang nalamian na og hilot ang tiguwang, nalingaw sab kini sa pakig-istorya sa usa ka kaubanan sa tighilot ug didto na natingala siya dihang wala na ang iyang pitaka nga dunay salapi.
Nagtuo ang biktima nga mga kaubanan lang sa mga naglingaw kaniya ang mihinay-hinay og kuot sa iyang pitaka.
Ang maong kaso anaa na sa theft and robbery section sa Sta. Ana PNP.