Porzingis gikiha og pagpanglugos

NANGLUGOS? Ang kanhi sentro sa New York Knicks Kristaps Porzingis kinsa gi-trade ngadto sa Dallas Mavericks nag-atubang karon og kasong pagpanglugos human ireklamo sa usa ka babaye nga taga New York City. Apan hugot kining gihimakak sa NBA star player. (SPORTSNET)
NANGLUGOS? Ang kanhi sentro sa New York Knicks Kristaps Porzingis kinsa gi-trade ngadto sa Dallas Mavericks nag-atubang karon og kasong pagpanglugos human ireklamo sa usa ka babaye nga taga New York City. Apan hugot kining gihimakak sa NBA star player. (SPORTSNET)

GIAKUSAHAN og kasong pagpanglugos si Dallas Mavericks center Kristaps Porzingis sa iyang silingan sa New York niadtong Pebrero 7 sa miaging tuig, taho sa New York Post kagahapon.

Karon lang semanaha, ang biktima nisumbong sa kapulisan ug mihatag kini’g detalye sa gibuhat ni Porzingis nga nahitabo pipila ka mga oras dihang naangol ang iyang tuhod niini. Niadtong higayuna, si Porzingis nagduwa pa sa New York Knicks.

Bisan nilabay pa og 13 ka mga buwan una misumbong sa kapulisan, apan katuhoan ang mga pamahayag sa biktima, matod sa NYP.

Matod sa biktima ngadto sa kapulisan nga nagsabot sila ni Porzingis kabahin sa P68,000 nga kantidad bugti sa iyang pagpakahilom.

Ang abogado ni Porzingis nga si Roland G. Riopelle mihimakak sa maong sumbong ug mi-isyu kini’g opisyal nga pamahayag sa ESPN.

“We are aware of the complaint that was made against Mr. Porzingis on Friday and unequivocally deny the allegations. We made a formal referral to federal law enforcement on December 20th, 2018, based on the accuser’s extortionate demands. We also alerted the National Basketball Association months ago and they are aware of the ongoing investigation of the accuser by federal law enforcement."

“We cannot comment further on an ongoing federal investigation. Please refer any questions to the Federal Bureau of Investigation or the National Basketball Association.”

Niadtong Enero 31 ning tuiga, si Porzingis, 23, na-trade ngadto sa Mavericks ug mismong ang tag-iya sa team nga si Mark Cuban nasayod ning maong isyu.

Apan gipasabot ni Cuban nga gimanduan sila sa mga awtoridad nga dili mohatag og komentaryo kabahin niini.

Basi sa taho sa NYP, ang biktima nagpuyo sa samang edipisyo nga gipuy-an ni Porzingis.

Mitunga kini sa gipuy-an ni Porzingis mga alas 2:00 sa kadlawon isip pagsanong sa imbitasyon sa 7’3” nga basketbolista.

Matod sa biktima nga sa iyang pagsulod, gilugos dayon siya ni Porzingis.

Gipasabot sa biktima nga nadugay siya sa pagsumbong sa kapulisan gumikan kay naghuwat siya sa gisaad nga kantidad ni Porzingis bugti sa iyang pagpakahilom nga iyaja untang ibayad sa tuition sa iyang igsuon nga nagtungha sa kolehiyo.

Apan wala gituman ni Porzingis ang saad niini hinungdan nga midangop na ang biktima sa kapulisan. (Reuters, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph