SUPERBALITA CAGAYAN DE ORO

Binahon Agroforestry Farm sa Lantapan

TRIP ba nimo nga magpabukid karong summer? Ayaw na og duha-duha og roadtrip paingon sa Bukidnon.

Hapiti ang Binahon Agroforestry Farm (Baff) nga nahimutang sa Sonco, lungsod sa Lantapan, Bukidnon.

Kung nagikan ka sa siyudad sa Cagayan de Oro mobiyahe lang ka og duha ngadto tulo ka oras magdepende kung imong gisakyan pribado o pampubliko.

Ang Baff usa ka pribado nga agricultural farm nga gidumala ni Datu Henry Binahon ug ang farm niini suportado na usab karon sa Department of Science and Technology (DOST) Northern Mindanao ug Department of Agriculture aron nga mas mapalambo ang mga processing niini sama sa carrot juice, kalamansi ug uban pa nga prutas.

Dili ka magmahay sa sulod sa farm kay adunay kan-anan nga siyempre pwede ka didto mamahaw, maniudto ug manihapon.

Kung gusto sab nimong mag-overnight adunay mga cottages sa dapit gawas pa nga masuroy paka sa ilang mga umahan sa cabbage, cauli flower, lemonsitohan, bayabasan ug uban pa nga prutas.

Ang entrance fee sa mga dako mokantidad og P50; P30 alang sa mga bata ug person with disabilities; P40 ang mga senior citizen ug mga studyante. (Siguradoha lang nga dala dala inyong ID aron maka discount niini.

Kung bout nimong magpalecture ug mag pa tour sa umahan sa minimum nga duha ka oras ug sa grupo nga 30 ngadto 60 ka indibidwal mobayad lang og P2,500.

Ang day tour mokantidad og P500 matag usa ka tawo lakip na ang snack ug pagkaon ug bayad sa usa ka tour guide.

Ang mga pagkaon nga gitanyag mokantidad og P350 matag usa ka tawo ug P100 matag snacks.

Adunay mga cottages nga pwedeng makatulgan kon moabot sa 12 ka tao ug adunay tag P7,500 ka cottage.

Kung dorm type adunay P450 matag usa ka tawo.

Aduna sab mga convention hall nga pwedeng marentahan og P7,000 nga moabot ngadto sa 100 ngadto 250 ka individwal ang makasulod.

Pwede sab makarenta og ATV sa kantidad nga P500 ug tour car nga tag P1,200 ang 12 ka tao.

Gawas nga relaxing ang palibot makahugot ginhawa ang kalimpyo sa hangin nga imong masimhot. Ma-appreciate sab nimo ang mga garden nga puno sa mga makaon nga tinanom.

Unsa pay gihulat? Suruyi ang Binahon Farm!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph