DILI kalamposan ang kasaulogan sa mga sakop sa New People’s Army (NPA) sa ilang ika-50th anibersaryo apan usa ka kapildihon.
Sa pamahayag sa 4th Infantry Division Philippine Army (4ID-PA), sugod sa bulan sa Enero ning tuig hangtod bulan sa Marso, ilang nasinatian sa walhong grupo ang daghang kauban nga nakabsan sa kinabuhi, ug nanurender.
“They suffer from fatalities, abandonment, being unwelcomed and their true identities unmasked as oppressors and human rights violators.”
Sugod sa bulan sa Enero, moabot ngadto sa 52 ka mga enkwentro ang natala nga miresulta sa 15 ka mga sakop sa NPA ang nakabsan sa kinabuhi.
Moabot sab sa siyam ang arestado ug nadakpan, samtang 495 ka mga NPA lakip Militia ng Bayan, Sangay sa Partido sa Lokalidad and Underground Mass Organizations ang misurender.
Mokabat sab sa 111 ka mga armas ang nasakmit ug 34 ka mga anti-personnel mines ang narekober.
Moabot sab sa 41 ka mga NPA hideouts ang nadiskubre.
Kining tanan tungod sa walay puas nga Focus-Military Operations
nga giingong suportado sa Community Support Programs.
Matud ni Captain Reggie Go tigpamaba sa 4ID-PA nga ang mga terorista wala nay katagoan labina nga daghang lokal nga kagamhanan ang mideklarar kanila nga “Persona Non-Grata.”
Labina gyod sa area sa Surigao del Sur, sa Munisipyo sa Sibagat ug Barangay San Pedro, sa San Luis, Agusan del Sur, sa Barangay Camam-onan, Gigaquit, Surigao Del Norte.
Siyam sab ka barangay sa Bukidnon mideklar niini.
Matud sa military dili sab makatarunganon ang ilang pagpangsunog og mga ekipo sa plantasyon sa Bukidnon ug ang pagpatay sa duha ka mga sundalo sa Barangay Dalwangan sa siyudad sa Malaybalay.
“They must pay for the crimes they have committed,” matud ni 403rd Infantry Brigade Commander, Col. Edgardo De Leon.
“I am very happy that the local government units, local government agency and other sectors in Northern Mindanao and Caraga Regions are standing up and are now ready to fight with us in our ‘Peaceful War’ efforts. I hope more barangays, municipalities, cities and provinces will join us so that we will be able to achieve the long-lasting peace we have longed for. I am expecting more surrenders to come. It is our fervent hope that in the coming days, we shall celebrate an anniversary where we commemorate peace and development, altogether,” sa iyang bahin ni Major General Franco Nemesio M. Gacal, commander sa 4ID-PA.