SECTIONS
Sunday, September 22, 2019
SUPERBALITA CAGAYAN DE ORO

PDP-Laban niduyog sa Earth Hour atol sa grand rally

CAGAYAN DE ORO. Pipila ka mga establisimento sa siyudad sa Cagayan de Oro ang niguyog sa Earth Hour pinaagi sa pagpalong sa mga suga niadtong Sabado, Marso 30. (Kris C. Sialana)

GIHUNONG una ang diskurso sulod sa usa ka oras sa mga kandidato sa Partido Demokratiko Pilipino (PDP-Laban) ug niduyog sa Earth Hour sa ilang grand rally sa Divisoria, dakbayan sa Cagayan de Oro, niadtong Sabado sa gabii, Marso 30.

Atol sa rally, gibutyag ni Bise mayor Rainier Joaquin “Kikang” Uy nga kini kabahin sa pagpakita og suporta sa katawhan sa dakbayan.

“Gipakita nato atong suporta kabahin sa Earth Hour di lamang kay nagpulong-pulong, pagpadayag sa atong mga damgo sa atong dakbayan kundili usab kita katawhan sa dakbayan naghatag ta og suporta para sa atong kinaiyahan,” matud ni Uy.

Gibutyag usab ni Congressman Klarex Uy nga pinaagi niini, dinhi matungkad kung unsa ang kabililhon sa matag-usa diha sa kaakohan sa kinaiyahan.

Makita usab nga pipila sa mga patigayon sa siyudad ang niduyog niini aron sa paghatag og importansiya sa kinaiyahan pinaagi na usab sa pagpalong sa mga suga sulod sa usa ka oras diin dako na kaayo kining tabang aron nga makakonserba og enerhiya.

Ang Earth Hour usa ka kalihokan sa tibuok kalibotan nga gi-organisa sa World Wide Fund for Nature matag tuig, diin gi-aghat ang matag-usa, komunidad ug bisan mga patigayon sa pagpalong sa mga suga sulod sa usa ka oras.

Gihunong ang pagdiskurso mga alas 8:30 sa gabii ug gipadayon kini human sa usa ka oras.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph