Mga kandidato mi-arangkada na

CAGAYAN DE ORO. Ang team Okka atol sa ilang unang gipahigayon nga grand rally niadtong Sabado sa gabii, Marso 30, sa siyudad sa Cagayan de Oro. (Kris C. Sialana)
CAGAYAN DE ORO. Ang team Okka atol sa ilang unang gipahigayon nga grand rally niadtong Sabado sa gabii, Marso 30, sa siyudad sa Cagayan de Oro. (Kris C. Sialana)

MI-ARANGKADA na ang mga kandidato alang sa eleksiyon karong Mayo 13 pinaagi sa pagpahigayon sa ilang mga campaign rally sa dakbayan sa Cagayan de Oro.

Sa unang adlaw sa lokal nga kampanya nagpahigayon ang kwalisiyon sa Padayon Pilipino-Centrist Democratic Party nga gisilongan ni Jose Gabriel “Pompee” La Viña sa pagkamayor, samtang sa ikaduhang adlaw, gipahigayon usab sa Partido Demokratiko Pilipino ubos ni Mayor Oscar Moreno.

Nagpadayag ang matag kampo sa ilang mga tumong ug plano sa dakbayan ilabi na sa slogan ni La Viña nga “Bag-ong Cagayan” ug dili korap diin gitumbok niini mao ang kaatbang nga si Moreno.

“Usa lang akong pangutana gusto ba ninyo og mayor nga kawatan o mayor nga dili kawatan,” matud ni La Viña.

Samtang ang gipanghingusgan niini nga programa nga City University nga libre sa tanan lakip na ang free WiFi o free internet, inprastraktura ug uban pa.

“Una magtukod kita og city university nga libre sa tanan. Tanan Kagaya-anon dunay katungod nga magkolehiyo,” dugang niini.

Samtang gipadayag usab ni Moreno atol sa gipahigayong pulong-pulong niadtong Sabado, Marso 30, ang katuoyan sa pagpadayon sa iyang mga programa ug proyekto sama sa tunghaan, hospital ug uban pa nga gani nag-atubang og kaso gumikan sa overpricing sa pagpatukod og mga tunghaan.

Gidugang pa niini nga pasagdan na lamang ang kaatbang ug magpa-ilob kini hangtod sa iyang tibuok nga kinabuhi.

“For the elevation of Cagayan de Oro to greater heights, we have already sustained the momentum, kalooy sa Diyos, Cagayan de Oro is a lot better now but we need to grow a lot more for instance classrooms we had built more than 600 already but we need 500 more,” matud ni Moreno.

Gidugang pa niini nga buot niini na tukoron ang Oro Central, upat ka mga hospital ug uban pa.

“And we need to build the Oro Central in City Central School ,now hospital we need to build four hospitals and then the Universal Health Care program that’s a very important program that we must focus on, and then of course resettlement, we want to relocate the more informal settlers,” dugang niini.

Matud usab niini nga pasagdan na lamang ang kaatbang sa mga gipang-atake batok niini ug magpa-ilob na lamang tungod kay wala matud kini kamatuoran.

“It’s an apostleship of service you have to be humble and patient not just during the campaign but more so kung naa kana sa position, wala may problema, Pompee who?,” matud ni Moreno.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph