DUNA na say bag-ong housemates si Kuya Lauren sa Pinoy Big Brother Otso.
Apan ang 8 housemates ra nga modaug sa task sa 100 Island mao ray makasud sa Bahay ni Kuya ug ang mapildi maoy magyampungad sa Camp Star Hunt.
Alkansi ang di kadaug sa maong task kay basin mapareho na sad na sa mga taga-Camp Star Hunt sa batch 1 ug batch 2 nga wa gyuy nakasud nila bisag usa sa Big 4.
PREDICTABLE
Unfair lagi nang paagi karon sa PBB nga dili dunganon og pasud ang tanang housemates.
Pareho sa Cebuanang si Missy Quino nga ni-voluntary exit na lang kay padung na mahuman ang ilang batch anha pa lang siya nakasud.
Di pareho sa una ba nga dunganon gyud og pasud tanan aron equal ang ilang exposure.
Sa kasaysayan sad sa PBB, ang viewers mas ganahan motan-aw og mag-loveteam ug kanang mga komedyanteng housemate.
Mao nga daghan ang moingon nga scripted ug predictable na ang show kay klaro man gud asa padung ilang storyline.
P40 MILLION?
Naka-P40 million na kuno ang pelikulang “Eerie” nilang Charo Santos ug Bea Alonzo as of March 30.
Pero sa Cebu kon pangutan-on nimo ang mga tiketera sa sinehan wa man kaayoy nanan-aw. Puwerte ra bang mahala sa pulta P230!
Hasta gani ang pelikulang “Maria” ni Cristine Reyes wa man gani gipasalida sa SM Consolacion. Ako na lang ni ipa-raffle akong passes. Haha...
HAIN SI JANINE?
Wala katunga ang bida sa GMA afternoon teleseryeng “Dragon Lady” nga si Janine Gutierrez sa Kapuso Mall Show niadtong Sabado kay tua ni sa London alang sa iyang gi-endorsong perfume.
Mao nga sila rang Tom Rodriguez, Joyce Ching ug Edgar Allan Guzman ang niatubang sa entertainment press atol sa presscon namo sa Abaseria Deli and Café sa dalan Kasambagan.
Ang Kapuso Mall Show gihimo sa SM City Cebu North Parking Area pila ka oras sa wa pa ang Earth Hour. Pero maorag wa may namawong!
NAKATUG DIAY
Ang kanhi Tourism Undersecretary nga si Kat de Castro dinhi sa Cebu tungod kay giimbitar siya sa usa ka pageant.
Apan nagyawyaw ni pagkabuntag sa iyang Facebook post kay wa kuno moabot ang “sundo” nila sa hotel nga mao untay mohatod nila sa Mactan airport.
Tua na siya sa Manila dihang nanawag kuno niya ang “sundo” kay wa diay kamata og sayo. Maayo na lang kay dunay Grab. Hehe...