SILA Liaa Margarette ug Lora Micah Amoguis mihakot og siyam ka bulawang medalya, lima ka plata ug usa ka bronse aron manguna sa Holiday Gym Swimming Club’s (HGSC’s) medal haul nga 19 ka bulanwan, siyam ka silver ug unom ka bronze sa pagtapos sa Philippine National Age Group Swimming Championships 2019 sa Davao del Norte Sports and Tourism Complex sa Tagum City.
Ang dose anyos nga si Marga sa Abba’s Orchard School, mipakita’g gilas human miangkon sa lima ka bulawan, duha ka silver ug usa ka bronze.
Nanguna siya sa girls 11-13 200m butterfly, 100m butterfly, 400m individual medley (IM), 800m freestyle ug 400m freestyle.
Si Marga miangkon og silver sa 200m IM ug 100m breastroke dayon bronse sa girls 200m freestyle.
Si Lora, 13, nanguna sa girls 11-13 200m backstroke, 100m backstroke, 50m backstroke ug 200m IM dayon miangkon og silver sa 200m freestyle, 400m IM ug 100m freestyle.
Si Ivo Nikolai Enot, mihakot og lima ka bulawan sa boys 11-13 200m backstroke, 50m freestyle, 100m backstroke, 200m IM ug 50m backstroke events.
Si HGSC head coach Haroon Cali, sa Facebook interview, mapasigarbuhon sa iyang manlalangoy.
“It was a good performance. Daghang medal nakuha sa team. Daghang naka personal best sa ila swim mostly mga bata nako nga swimmers.”
Ang ubang HGSC gold medalists mao sila Rissa Sahagun (girls 11-13 50m breastroke, 100m breastroke, 200m breastroke), Matthieu Adrien Tao (boys 14-15 200m backstroke) ug Rizbon Yarra (boys 11-13 butterfly) samtang silver sab sila Erika Lois Suelan (girls 16-18 200 breastroke), Yarra (boys 11-13 1,500 freestyle, 400m freestyle) ug Gabriel Laolao (boys 11-13 100m breastroke).
Ang Suelan (Girls 16-18 50m breastroke, 200m IM), Philip Sahagun (boys 16-18 200m breastroke) ugTao (boys 14-15 100m backstroke) miangkon og bronse.