SECTIONS
Friday, August 23, 2019
SUPERBALITA CEBU

Migallen: Pakighinabi ni Gerry P.

Taym pa

MIDALIKYAT dinhi sa Sugbo si two-division world boxing champion Gerry Penalosa sa niaging semana isip kabahin sa paglusad sa bag-o niyang proyekto "The Next Boxing Superstar," usa ka reality boxing show nga magdiskobre og mga batan-on nga may igong talento sa natad sa boxing.

Nibalik na man gud ron og kaaktibo si Gerry P. sa pamoksing, human sa pipila ka tuig nga nagpalabay.

Kaniadto gud, permi ni siyang magpromote og boxing dili lang didto sa Kaulohan kon dili lakip na usab dinhi sa Sugbo.

Nipahuway og makadiyot apan karon, sa iyang pagbalik, kaabag na niya ang ESPN5, usa ka higanting television network sa nasod.

Uban sa pipila ka mga sportswriters dinhi sa Sugbo, wa kalikayi ang pangutana kon unsay iyang panahom kalabot sa surprisang pagbuhi ni Donnie "Ahas" Nietes sa iyang WBO superflyweight title aron paglikay lang sa laing Pinoy challenger nga si Aston Palicte.

Matod ni Gerry nga dako niyang girespetuhan ang mang desisyon sa habig ug sa kampo ni Nietes tungod kay iyang napangagpasan nga aduna silay laing laraw.

Pero alang kaniya, gisayangan usab siya sa kahigayonan sa dihang iyang nasayran nga wala pa diay schedule nga dakong away si Nietes.

Matod niya nga kon gidawat pa ni Nietes ang ilang rematch ni Palicte, dako kaayong chance nga magpabilin gihapon niyang ang bakus kay alang kaniya wa gyuy dag-anan si Palicte.

“Iya or ila sab siguro nang desisyon, basin duna silay laing plano. Pero sayang ba kay wa man guy nakahan-ay nga away si Donnie ron. Abi gani nako ug ready nato ilang way ni Khalid Yafai, pero wa man diay,” matod ni Gerry P.

Sa unang away ni Palicte ug Nietes sa niaging tuig, daghan ang nagtuo nga midaog gyud si Nietes pero surprisa nga gitabla kini sa mga judges.

Hasta ang kampo ni Palicte daw og sa di makatuo. Posibling kini maoy usa sa nakapasagmuyo ni Nietes kinsa adunay 42-1-5, 23 ka knockouts nga record.

Ang pagbuhi ni Nietes sa titulo, naghatag og dakong kahigayonan ni Palicte (25-2-1, 21KOs) nga mamahimong world champion kay posibling makontra niini ang mediyo ubos man og kalidad sa iyang timbang.

Posibling si Jeyvier Cintron sa Puerto Rico nga no. 7. nga undefeated sa siyam ka away ug dunay upat ka knockouts ang iyang makontra. For the meantime, maghuwat pa si Nietes sa resulta sa rematch ni WBC super flyweight champion Srisaket Sor Rungvisai ug Juan Francisco Estrada karong Abril 26 didto sa The Forum sa Inglewood, California.

Ang modaog niini maoy ilang giatngan, pero depende ra usab gihapon kini kon mosugot ba ang ma-champion.

Gihisgutan usab ni Penalosa ang posibling sunod away ni Manny Pacquiao. Matod niya, nga usa karon sa nag-unang posibling makontra ni Pacquiao mao ang undefeated nga si Errol Spence Jr.

Pero sa dagan sa negusasyon, mora og si Keith Thurman maoy dakog purohan. Kana kon dili gyud mahinayon ang ilang rematch ni i Floyd Mayweather Jr. (junmigs0622@yahoo.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph