Aguilar nagmangtas sa PBA All-Star game

NAGLUPADLUPAD sa kawanangan si Japeth Aguilar aron agakon ang North squad ngadto sa 185-179 nga kadaugan batok sa South team sa 2019 Philippine Basketball Association (NBA) All-Star Game niadtong Dominggo sa gabii sa Calasiao, Pangasinan.

Sa kasaysayan sa All-Star Game, mao kini ang labing dakong puntos nga natali sa duka ka mga puwesra.

Si Aguilar, kinsa usa sa mga pambato sa Brgy. Ginebra Gin Kings, nagpauwan og 32 puntos aron pangulohan ang kadaugan sa North.

Kadaghanan sa mga puntos ni Aguilar iyang gimugna pinaagi sa mga eksplosibo niyang mga hansak nga nakahatag og katagbawan sa nagpunsisok nga mga tumatan-aw sa Calasiao Sports Complex.

Apan sa tanang mga hansak ni Aguilar, ang nakapahugyaw og maayo mao ang senaryo diin gilayatan ni Aguilar ang nagbarog nga higanteng sentro sa South nga si JuneMar Fajardo.

Ang maong hansak ni Aguilar maoy nakahatag sa North og 137-120 nga labaw sa 3rd quarter.

Gisugdan sa North ang kombati pinaagi sa duha ka sunodsunod nga three-point shots nila ni Paul Lee ug Marcio Lassiter ug human niini, wala na nila buhii ang labaw hangtod na sa katapusang gutlo.

Ang South gipangulohan ni Arwind Santos pinaagi sa iyang 34 puntos.

Sila si Aguilar ug Santos mao ang nagbahin sa pasidungog isip co-MVP sa duwa.

Puntos matag usa

North (185) — Santos 34, Aguilar 32, Lee 27, Cabagnot 18, Lassiter 12, Tenorio 11, Abueva 11, Rosario 10, Pringle 8, Banchero 7, Norwood 5, Paras 4, Perkins 3, Magsanoc 2, Castro 0, Caguioa 0.

South (170) — Simon 34, Fajardo 26, Romeo 19, Barroca 18, Jalalon 15, Erram 14, Pogoy 12, Ross 10, Slaughter 8, Belo 6, Patrimonio 4, Amer 3, Yap 2, Thompson 0, Codinera 0, Taulava 0. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph