GIBUTYAG sa amahan ni Floyd Mayweather Jr. nga mobalik og away ang iyang anak karong tuiga ug dako ang posibilidad nga si Filipino boxing legend Manny Pacquiao maoy kontra.
”He (Pacquiao) can hit it,” matod ni Floyd Sr. sa interbyu sa The Sun.
Si Mayweather, 42, miretiro isip professional boxer niadtong Agusto, 2017 human sa iyang yanong kadaugan batok kang mixed martial arts (MMA) superstar Conor McGregor.
Niadtong Disyembre sa miaging tuig, miaway si Mayweather og usa ka exhibition bout sa Japan diin gipaundang niya sa 1st round si Japanese kickboxer Tenshin Nasukawa.
Apan matod ni Floyd Sr. nga mobalik na ang iyang anak sa seryusong away karong tuiga aron makig-away pagbalik sa Pambansang Kamao sa Pilipinas.
Sa premirong away niadtong 2015, midaog si Mayweather batok kang Pacquiao pinaagi sa unanimous decision.
“Right now I have to say myself that Floyd’s still got the fire in him. I’m not just saying it because it’s the way it is,” asoy ni Floyd Sr.
“When a person says he’s retired, he’s retired. But it seems right now to me that he’s doing that (supposed to be fighting) pretty much every month.”
Nagkanayon si Floyd Sr. nga iyaha kining gipabuhagay gumikan kay wala siya’y pagduhaduha bisan gamay nga mahitabo kini.
Wala pa’y gipagawas nga reaksyon si Pacquiao kabahin niini apan daan na kining nagsulti nga andam siyang makig-away og balik kang Mayweather. (ESL)