SUPERBALITA CEBU

Diputado: Video ni Jim Paredes

Cuentas claras

UNSA kahay nasud sa hunahuna ni Jim Paredes nga nag-video man siya sa iyang gihimo noh?

Kahinumdoman nga nag-viral sa Facebook ang video ni Jim Paredes nga nagpagawas sa iyang dila og sama sa nag-masturbate kini. Sa unang higayon, gipanghimakak niya nga fake news kini.

Apan sa dihang misamot kakusog ang pagkatap ang maong video footage, napugos si Jim Paredes sa pag-angkon nga siya gayod ang diha sa maong video og nangayo siya sa pasaylo og pagsabot sa iyang gihimo.

Miyembro si Jim Paredes sa naila na kaayo nga grupo nga Apo Hiking Society.

Kon ordinaryong tawo pa lang kini si Jim Paredes, bisan kon musikero kini, dali ra seguro nga mamatay ang maong balita.

Apan hait kaayo og pamalikas kini si Jim Paredes batok ni PRRD. Sama sa wala siyay nakita nga maayong gibuhat ni PRRD sa nasod og maoy hinungdan nga sama sa kilat ang pagbatikos ni Jim Paredes batok ni PRRD (Pres. Rodrigo R. Duterte).

Gipistahan karon si Jim Paredes sa social media, labi na gyod sa Facebook.

Ambot og makahimo pa ba kaha si Jim Paredes sa iyang naandang buhat nga paghimo og mga maidlot nga mga komentaryo batok kang PRRD.

Luoy ang usa ka empleyado sa Department of Interior and Local Governent (DILG).

Gusto niya magtarong sa iyang trabaho isip MLGOO sa usa ka lungsod.

Dili siya gusto mag-apil apil sa politika kay nasayod siya nga wala kini gitugot sa balaod.

Apan isog ang Mayor.

Dili pwede nga mobalibad ang municipal local government operations officer (MLGOO).

Napugos intawon ang pobre nga MLGOO nga mosunod sa mando sa Mayor.

Unsa man ang mando diay?

Ang asawa sa Mayor mikandidato pagka-kongresman.

Gusto sa Mayor nga mangampanya ang iyang MLGOO sa silingan nga lungsod diin nagpuyo ang maong MLGOO.

Gusto niya tabangan ang kampanya sa iyang asawa pinaagi sa maong MLGOO.

Nasayod ang Mayor nga kon ang MLGOO gani ang mangampanya, daghan gyod ang madala niini sanglit dako nga pamilya ang iyang asawa sa maong lungsod.

Mao kini hinungdan nga nangampanya na lang ang maong MLGOO.

Miresulta kini sa dakong problema.

Nasayran sa ubang mga politiko ang gibuhat sa maong MLGOO.

Sumala sa Civil Service Rules, bawal ang mga empleyado sa gobierno nga mag-apil apil sa politika sanglit gilagda man nga mag-neutral lang sila.

Labi na kon gamiton nila ang kahimanan sa ilang opisina sa ilang pamolitika.

Tuod man, gitawagan dayon sa usa ka politiko ang MLGOO og gisultian sa dakong problema.

Unsa nga problema?

Gisultian ang MLGOO nga i-report sa iyang regional director aron mahibaw-an ang gibuhat niini.

Gipahibalo usab sa politiko ang MLGOO nga mahimo sab siyang pasakaan og kaso.

Mao kini ang dakong problema karon sa maong MLGOO

Ang nakaparat ra ba kay abogado kini.

Isip abogado, nasayod siya kon unsay mahimo ug dili mahimo ubos sa balaod sa piniliay.

Apan bisan pa sa maong kasayoran, gihimo gihapon niya kini.

Mao kini gitawag og “aggravating circumstance” o makapasamot kabug-at sa iyang kalapasan nga nahimo.

Sangko sa langit ang pagmahay sa maong MLGOO. Wala og tuo ang iyang hangyo apan kawang ang tanan.

Hugot na ang hunahuna sa politiko nga gawas nga i-report kini sa regional director, pasakaan pa gyod kini og kiha.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!