SECTIONS
Monday, September 16, 2019
SUPERBALITA DAVAO

SEA Games 2019: 3 Dabawenyos mopakita’g gilas

NING file photo makita si Glennon Jhon Malisa, tuo, samtang nakigtigi sa Philippine National Games (PNG) 2018 saMandaue City. siya napili isip miyembro sa Philippine national arnis male team B. (Macky Lim)

ANG Philippine National Games (PNG) 2018 champions Glennon Jhon Malisa, Jezebel Morcillo ug Adelfa Sagne sa Davao City maoy mobansiwag sa bandila sa nasud sa 30th Southeast Asian (SEA) Games Philippines karong Nobyembre 30 ngadto Disyembre 11.

Si Kapatirang Doble Olisi-Eskrima head Mario Palazuelo nagbutyag niini atol sa Davao Sportswriters Association (DSA) Forum sa The Annex of SM City Davao.

“They’ve been consistent gold medalists in Palarong Pambansa, in PNG and in local and international tournaments. They are seasoned players,” ni Palazuelo nga malipayon tungod duna na gyuy Dabawenyo nga motigi sa biennial Games isip miyembro sa Philippine national arnis team.

Si Malisa, triple PNG 2018 gold medalist, anaa sa male team B samtang si Morcillo ug Sagne anaa sa female team A.

Suma niya nga ang in-house training sa Manila magsugod sa di madugay apan tungod si Malisa mopakita og aksiyon sa Palarong Pambansa 2019 karong Abril 28 ngadto Mayo 4 sa Davao City, posibleng ma-excuse siya sa national team training.

“The Palaro will be a good exposure,” ni Palazuelo.

Dugang niya nga sila Sagne ug Morcillo andam sab nga isakripisyo ang ilang trabaho alang sa SEA Games training.

Apan dugang niya, “Unta home base lang ang training then magtapok lang ang Philippine team ngadto sa Manila kung hapit na.”

Si Philippine Eskrima Kali Arnis Federation, Inc. president Senator Miguel Zubiri, suma ni Palazuelo, mihatag sa national coach og quota sa12 ngadto 15 ka gold medals sa SEA Games.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph