DIGOS CITY -- Gipasiatab sa amahan ning dakbayan nga mas milambo pa ang ekonomiya human na-implementar ang daghang proyekto.
“The city’s economy is vibrant and dynamic,” sulti ni Abogado Joseph Peñas, atol sa iyang State of the City Address (Soca) niadtong Marso 28.
“In pursuit of our desire to push forward Digos, otherwise loosely translated through our battle cry and slogan ‘Abante Digos’, we always keep our toes in line by playing according to the rule of transparency and honesty without sacrificing efficiency in the delivery of basic services and the implementation of projects using public funds,” asoy ni Mayor Peñas sa katapusang Soca una matapos ang iyang termino sa Hunyo 30.
Atubangan sa mga konsehal sa Sangguniang Panglungsod (SP), giasoy sa mayor nga sugod 2011 hangtud 2018, nagamit sa nagkadaiyang proyekto ang 20 porsiyento Development Fund nga misumada og kapin P1.2 bilyones.
Sa gihan-ay nga badyet, nasuta nga ang General Public Services - P24.9 milyones, Social Services Sector - P136.1 milyones ug ang Environmental Management Sector anaa sa P156.2 milyones.
Gitataw sa mayor nga ang lokal nga gobyerno mikita og kapin P870-milyones niadtong 2018, apil sa bahin ang siyudad sa Internal Revenue Allotment (IRA) ug ubang national income ug P195 milyones nga locally-sourced funds.
“Next to Peace and Order in our order of priorities is infrastructure, specifically road concreting, road maintenance and repairs, installation of drainage and repair of foot bridges,” asoy sa mayor.
Gidason niini nga tungod sa napanindot nga mga kadalanan ug kahapsay’g kalinaw maoy hinungdan nga mas milambo ang ekonomiya sa dakbayan.
“Malls, banks, subdivisions, hotels, even memorial parks and other businesses come breaking grounds and openings, tall and big buildings are constructed,” panapos ni Peñas. (Orlando B. Dinoy)