4 ka tinun-an nasikop sa PDEA, pulis

TACLOBAN City - Upat ka mga tinun-an ang nangasikop sa anti-illegal drug operation sa kapulisan ug Philippine Drug Enforcement Agency (PDEA) 8, alas 9:35 sa gabii, Marso 26, 2019.

Gawas niini, napuhag usab sa mga awtoridad ang usa ka drug den diin nasikop ang mga tinun-an.

Giila sa PDEA ug kapulisan ang mga suspek nga sila si Carlo Juliano Go, alyas Jolo Go, 28, nag atiman sa drug den; Jojemar Laudeno, 20; Kyle Michael Gomez, 19 ug Carlito Go, 29, pulos taga V&G subdivision, Tacloban City.

Nakadawat og tip ang mga awtoridad sa maong ilegal nga kalihukan sa lugar.

Sa dihang nakompirmar, gilusad sa PDEA 8 ug Provincial Drug Enforcement Unit ang operasyon.

Nasakmit ang tulo ka mga pakete sa gituhoang shabu nga dunay market value nga P3,400 ug marijuana nga P200 ingon man mga drug paraphernalia.

Kasong kalapasan sa Republic Act 9165 kun Comprehensive Dangerous Drugs Act of 2002 ang giatubang sa mga suspek. (JKDP)

Related Stories

No stories found.
SunStar Publishing Inc.
www.sunstar.com.ph