Police officials sa Negros Oriental girelibuhan

Nanalipod: Si Senador Panfilo Lacson (wala), kinsa miduaw sa Police Regional Office (PRO) sa Martes, Abril 2, miingon nga di magpadala sa mga propaganda batok sa kapulisan labot sa operasyon niadtong Sabado, Marso 30 sa Negros Oriental.  Matod niya nga angay nga huwaton ang resulta sa imbestigasyon. (Arnold Y. Bustamante)
Nanalipod: Si Senador Panfilo Lacson (wala), kinsa miduaw sa Police Regional Office (PRO) sa Martes, Abril 2, miingon nga di magpadala sa mga propaganda batok sa kapulisan labot sa operasyon niadtong Sabado, Marso 30 sa Negros Oriental. Matod niya nga angay nga huwaton ang resulta sa imbestigasyon. (Arnold Y. Bustamante)

HEPE sa kapulisan sa probinsya sa Negros Oriental ug mga hepe sa Canlaon City, Manjuyod ug Santa Catalina Police Stations gipangrelibohan sugod sa Martes, Abril 2, sa Camp Crame tungod sa kamatayon sa 14 ka gituohang supporters sa rebeldeng New People’s Army (NPA) niadtong Sabado atol sa pag serve sa search warrants batok kanila.

Nipagawas og kamandoan si PNP Chief Police General Oscar Albayalde pagparelibo sa katungdanan nilang Police Colonel Raul Tacaca, Provincial Director sa kapulisan sa Negros Oriental; Lieutenant Colonel Patricio Degay, hepe sa Canlaon City police station; Lieutenant Roy Mamaradlo, hepe sa Manjuyod police station; ug Captain Michael Rubia, hepe sa Santa Catalina police.

Kini may kalabutan sa pagkamatay sa 14 ka giingong supporters sa NPA sa Oplan Sauron sa Police Regional Office 7 (PRO) sa maong mga lugar.

Matod ni Albayalde nga tumong niini aron way mamasangil nga dunay gidapigan ang imbestigasyon.

Iya usab nga gimandoan ang Internal Affairs Service ug ang Directorate for Intelligence and Detective Management sa pagpahigayon og imbestigasyon ning butanga.

Atol sa operasyon, walo ang namatay sa syudad sa Canlaon, upat sa Manjuyod ug duha sa lungsod sa Santa Catalina.

Gihimakak ni PRO7 director Police Brig. General Derbold Sinas nga masaker ang nahitabo sanglit usa kadto ka lihitimo nga operation pinaagi sa search warrants nga giluwatan sa korte.

Si Tacaca andam mosunod sa mando sa Camp Crame alang sa impartial investigation ug iyang giklaro nga wa sila ma demoralize sa pagparelibo.

Una nang nagsugod sa ilang imbestigasyon ang Commission on Human Rights (CHR); National Police Commission (Napolcom ug IAS 7 nunot sa kamatayon sa 14 ka mga tawo nga giingong armado.

Atol sa pag bisita ni Senador Panfilo Lacson sa PRO 7 sa Martes sa buntag, Abril 2, siya nagkanayon nga paaboton lang una ang resulta sa pakisusi una pa mohimog aksyon ang kadagkoan sa kapulisan sa Central Visayas.

Apan alang niya nga sa pagkakaron angay nga isaka ang moral sa mga pulis sa rehiyon 7 ilabi na nga adunay mga pasangil nga gi-massacre ra sa mga awtoridad mga mag uuma.

“Lets give our policemen a chance to prove na yung kini claim nilang legitimate police operations, legitimate talaga, Wag tayong madala doon sa mga propaganda because you may have noticed, yung mga maiingay yung mga tinatawag nating front organizations eh. The mere fact na nagsalita pa yung Panaligan command, only proves na talagang NPA na na-engkwentro nila doon,” datod ni Lacson sa mga tigbalita.

Wa motuo ang senador sa pangangkon sa mga militanteng pundok lakip na sa habig sa NPA nga ang napatay sa mga pulis pulos inosente sanglit mga mag uuma sa Negros Oriental.

Apan ang nakapaduda nganong adunay nakuha nga mga armas sa ilang posisyon atol sa pagronda sa kapulisan.

Nagtuo ang senador nga tinuod nga mga mag uuma kini, apan inig abot sa hapon sila na ang mangatake sa mga sundawo ug pulis, lakip na ang pagpangilkil sa mga negosyante sa probinsya.

Ang pamahayag sa senador gikalipay ni Sinas kay naghatag og taas nga moral karon sa tibuok pwersa sa kapulisan sa Central Visayas.

Matod niya nga nasayod ang senador sa trabaho sa PNP ilabi na nga naghimo lang sa ilang trabaho ang mga pulis ug angay dasigon aron di mag low morale.

“We are very thankful. Kahibalo ka lipay kaayo mi. Siya ang among original idol eh, he knows what we’re doing,” matod ni Sinas.

LEGAL ASSISTANCE

Si Local Government Secretary Eduardo Año niingon nga mohatag sila og legal defense sa mga pulis nga niapil sa operations.

Iyang gibarugan ang legalidad sa mga operasyon.

“We stand by our police officers and we will provide them with the best legal defense to help them overcome whatever legal challenges that may arise as a result of several Negros Oriental operations,” siya niingon.

“Our law enforcers acted professionally and in accordance with the law during the conduct of police operations in Negros Oriental. They simply returned fire when the subject of the search warrants engaged them in a shootout,” siya nidugang. (Sunstar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph