SECTIONS
Friday, September 20, 2019
SUPERBALITA CEBU

Misaksi batok ni Osmeña

Kauban Pa: Niadtong 2013, sa usa ka press conference sa gas refillers, managkauban pa sila si Douglas Labra (likod, nagbarog) ug Mayor Tomas Osmeña (wala), kinsa kongresista pa sa south district niadtong higayuna. (File Photo)

KANHI negosyante og butane canisters sa Metro Cebu, Douglas Labra, nipasangil kang Cebu City Mayor Tomas Osmeña nga protektor og butane refillers.

Ang butane refilling giila nga illegal kay kini kuyaw ug daghan nang maoy nakaingon sa mga sunog.

Si Labra niduso og supplemental affidavit ngadto sa Ombudsman Visayas aron mopalig-on sa kaso nga gisang-at sa Cebu City Police Office (CCPO) batok sa mayor. Si Osmeña niingon nga andam siyang motubag ning bag-ong alegasyon.

Ang mayor gipasakaan og kaso sa kapulisan sa syudad sa Sugbo nunot sa pag-rescue niya sa tulo ka mga vendor nga namaligya og butane canisters nga silang Ramir Amaca, Romeo Apparece ug Romeo Cuevas.

Matod ni Labra, ang pangangkon sa mayor nga naluoy siya sa tulo ka dinakpan hinungdan nga iya ning gi rescue sulod sa Parian police station ug gipagawas sa bilanggoan usa ka dakong bakak.

Si Labra niingon nga ang maong mga butane canister vendor tawo sa mayor.

Aduna matod pa siyay dakong kasayuran sanglit didto kini magpa-refill sa butane canister sa Shemberg sa syudad sa Mandaue nga iyang gipanag-iya pinaagi ang Amaca, kanhi niya tawo nga giingong gihatagan og proteksyon ni Osmeña.

“I know him because he was a customer of the refilling business which Mayor Osmeña owned. As customer, he would buy in bulk, by refilling various re-used canisters with butane, before selling these again back to the market in retail and at retail prices,” matod sa affidavit ni Labra.

Si Labra ang nanag-iya niadtong Shemberg refilling station sa Siyudad sa Mandaue nga gironda sa mga sakop sa Criminal Investigation and Detection Group niadtong 2017.

Dugang niya nga kadtong gipang apod-apod nga butane canisters nga adunay stove panahon sa 2016 elections nga adunay tatak nga Type O, iya matod pa, ni Mayor Osmeña.

Kadtong tulo nga nangadakpan usa kanila iyang nailhan nga si Amaca nga maoy partner sa refilling station sa butane canister sa iyang bayaw nga gipanag-iya sa mayor.

“Sayod man mo tanan nga kining butane industry gisakyan na sa pundok kataw-anan, kining grupo ni Tommy. Kanang Type O iyaha gyud na nga lata. Nganong kahibawo ko? Kay ari man na siya nako pa refill katong sa Shemberg,” matod ni Labra.

Iyang giangkon nga si Amaca iyang tawo kaniadto.

‘PROTEKSYON’

Siya ang nagpautang og capital alang sa negosyo niini sa butane canister.

Nananghid kini kaniya nga giduol siya ni Peter Vecitacion kay giingon gisugo matod pa, ni Miguel Osmeña, anak sa mayor, nga hatagan og proteksyon sa ilang negosyo nga nagsugod pa niadtong 2015.

Si Labra ang nagsugod sa negosyo sa butane sa syudad sa Sugbo apan giingong nisakay ang mayor pinaagi sa pagbuhat sa ilang kaugalingon nga lata. Aron magpadayon ang iyang negosyo nagkasabot sila nga siya na lang ang mo-refill sa lata sa mayor.

Apan sukad nga nasikop siya sa CIDG niadtong Septembre 8, 2017, gisirad-an na niya ang iyang dakong refilling station ug si Amaca na ang nipadayon, uban kang Miguel.

Gihimakak niya nga pamulitika ang iyang gihimo human nalangay ang iyang pag execute sa affidavit sanglit dugay na unta siya nga moduso niini apan tungod sa kadaghan sa iyang mga gimbuhaton, ning bag-ohay lang siya nakalugar.

MAGPALIG-ON

Si Police Lieutenant Colonel Franky Lugo, hepe sa Investigation and Detective Management Branch sa Cebu City Police Office, nagkanayon nga ang pagduso sa supplemental affidavit ni Labra makapalig-on sa kaso nga ilang gisang-at sa Ombudsman batok sa mayor.

“Ang supplemental affidavit ni Labra ay additional evidence to sa kaso,” matod ni Lugo.

Niadtong Agusto sa milabayng tuig gipasakaan sa kapulisan sa syudad sa Sugbo si Osmeña og kaso human nipagawas sa tulo ka mga dinakpan sa Parian police station nga namaligyag butane canisters.

MOTUBAG

Si Osmeña, sa iyang bahin, niingon nga andam siyang motubag sa hustong lugar.

“I will answer it in court. I stopped his (Labra) abuses in the management of the v-hire terminal,” sulti ni Osmeña sa SunStar Cebu.

Niadtong Hunyo 2018, si Osmena nihulga nga sirhan ang temporaryong van-for-hire terminal sa Barangay Kamagayan human sa giingong kasungian tali ni Labra ug mga personnel gikan sa Barangay Mayor’s Office (BMO).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph