SUPERBALITA CEBU

Tinuod nga killer ni Skyler nadakpan na?

GITUMBOK nga tinuod nga nakapusil-patay sa 6-anyos nga batang lalake sa milabayng tuig 2018 sa Barangay Ermita, dakbayan sa Sugbo nga si Skyler Abatayo, nasikop sa mga sakop sa Pardo police station atol sa buy-bust kagahapon, Abril 3, alas 3:10 sa kaadlawon sa Sitio Sto. Niño, Banawa, Brgy. Guadalupe.

Ang nasikop giila nga si Ronald Estorio Mejias alyas “Bulldog”, 30, taga sitio Bato Barangay Ermita nga nalakip isip high vavue target (HVT) sa Cebu City Police Office (CCPO).

Lakip sa nasikop ang iyang kapuyo nga si Melanie Mandreza Villarino, 22, taga sitio Sto. Niño, Banawa ug Melvin Cuizon Daclan,31, nga nagpuyo usab sa maong lugar.

Nakuha gikan kanila ang 28.5 gramos nga gituohang shabu nga mobalor og P193,800.00 ug usa ka kalibre .45 nga pistola, usa ka magasin ug mga bala niini.

Matod ni Major Regino Maramag nga human mamatay ang 6 anyos nga si Skyler, wala na kini mobalik pagpuyo sa Ermita ug didto na kini sa Banawa uban sa iyang kapuyo nipuyo.

“Yung firearms na nakuha namo sa iyaha i-subject namo for ballestic basin maka-help to sa investigation duon sa incident na with skyler,” matod ni Major Regino Maramag.

Gipaubos sa imbestigasyon si Mejias kon asa gikan ang tinubdan sa ilegal nga drugas nga nakuha gikan kaniya.

Gawas sa iyang pagpamaligya sa ilegal nga drugas, nalambigit usab siya sa gun-for-hire nga bisan kinsa nga mobayad iyang dawaton.

Samtang nadakpan usab ang usa habalhabal driver nga nag-sideline sa pagpamaligyag shabu ang nasikop sa buy bust alas 3:50 gahapon sa kaadlawon sa Sitio Lupa, Barangay Basak San Nicolas.

Ang nasikop mao si Wilken Delos Santos Arragon,24, taga Blk 7, Gen. Gines St., Barangay Sawang, siyudad sa Sugbo.

Nasakmit sa kapulisan gikan kang Arragon ang 15 gramos nga shabu nga mibalor ang tanan og P102,000.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph