LIG-ON karon ang mga kandidato sa Nacio-nalista nga gipangulohan ni Sen. Manny Villar ug Sen. Loren Legarda.
Lalim bay naa man diay sa iyang senatorial line-up sila si Sen. Miriam Defensor Santiago ug Kong. Bongbong Marcos.
MIRIAM
Si Miriam maingon nato nga sure winner kay gawas nga hapit kining ma-presidente kaniadtong 1992, maayo sab gyud ang iyang performance isip senadora.
Di man sab nato ma-limod nga ang NP mao ang partido ni kanhi presidente Marcos nga amahan ni Bongbong dihang nidagan kini sa piliay sa 1965 ug 1969.
NP UG MARCOS
Ang NP mao ang sakyanan ni Marcos sa iyang pag-angkon sa poder.
Daghan kita karon nga makitang mga kanhi lider ni Marcos nga naa sa Nacionalista ni Villar sama pananglit kang Kong. Eddie Gullas nga mas gipaboran ni Marcos sa iyang panahon kay sa ni anhing Nong Amon Durano.
OCAMPO
Naa sab sa ilang pundok ang mga kandi-dato sa Bayan Muna ug Gabriela nga sila si Satur Ocampo ug Liza Maza.
Makasurpresa apan ang ilang pagsalmot sa lineup ni Villar nakahatag niini og dakong bentaha kay solid votes man kining Bayan Muna ug Gabriela.
Lalim bay makapa-daog gud og tagutlo ka mga party-list congress-men.
Kon ato unang piyu-ngan ang mga isyo batok kang Villar ug tan-awon nato ang iyang dako kaayo nga war chest alang niining maong piliay, makaingon kita nga ngilngig gyud kaayo ang iyang propaganda.
SURVEY
Lalim bay sobra na sa usa ka bilyon ang iyang nagasto sa mga television commercials lang sa buwan sa Enero ug Peb-rero.
Kaya sab kaayo sa kampo sa Nacionalista sa paghakot og linibo sama sa nahitabo sa miaging Dominggo didto sa Mandaue Recmalation.
Tuyo niining dakong gasto mao ang iyang pagsukol diha sa mga pre-election surveys diin nabiyaan siya ni Sen. Noynoy Aquino sa Liberal Party.
Mahinungdanon gyud karon ang mga survey aron makumbinser ang mga dagkong tigsuporta ma-pinansyal man o poli-tikal.
LOREN
Ang nakaapan lang karon sa kampo ni VIllar mao ang mga kontro-bersyal nga mga baruga-nan ni Sen. Legarda.
Unsaon, pananglit, nga grabing nakapanaway man si Loren sa mga Sugboanon dihang bag-o pa napildi si anhing Fernando Poe Jr. sa mia-ging 2004.
Matod pa niya, tika-san ang mga Sugboanon tungod sa kadaugan nilang Pres. Arroyo ug Bise Pres. Noli de Castro.
Dako man kaayo og lead sila si Arroyo ug Castro dinhi.
Nakahinumdom gyud ko nga duna pay mga testigo ang oposisyon niadtong tungora apan nasakpan dayon sa Natio-nal Bureau of Investi-gation (NBI) nga bakak ra diay.
Bisan pa man, wa bakwi-a ni Loren ang iyang panghimaraot sa mga Sugboanon.
Maayo lagi unta kon makalimot ang mga Sugboanon apan kon di, makapabug-at gyud siya sa kampo ni Villar ug sa mga Nacionalista.
r