CATARMAN, Northern Samar -- Gawas sa tulo ka gikatahapang mga rebeldeng komunista nga nangamatay sa ilang pagsulong sa police station sa lungsod sa Victoria, lima ka mga sibilyan gipamusil sa gituohang mga sakop sa New People’s Army (NPA) sa miaging semana, apan nakalingkawas, sagad kanila dunay mga samad.
Ang lima ka sibilyan gidala sa Allen District Hospital apan gibalhin sa Northern Samar Provincial Hospital.
Ang lima giila nga sila si Samuel Illustre, 52, kawani sa lungsod sa San Jose; Wilta Tejero, 74; Wilta Tejero Jr, 44; Shai Sanchez, 17; ug Mariquel Sanchez, 53, pulos taga San Jose, Northern Samar. (JKDP)