SECTIONS
Monday, July 22, 2019
SUPERBALITA CEBU

Pamakuna gilugwayan

GILUGWAYAN sa Department of Health (DOH) 7 ang pagpamakuna niini batok tipdas sa Central Visayas hilabi na sa pipila ka mga local government units (LGUs) nga aduna pay gitan-aw nga mga bata nga wa pa nila madapati og bakuna.

Kini ang gibutyag ni Ruff Vincent Valdevieso, program coordinator sa immunization program sa DOH 7.

Matod niya nga nahuman na ang pagpahigayon og pamakuna ubos sa ilang mga gipamutang nga vaccination posts isip kabahin sa ilang measles outbreak response.

Apan gilugwayan nila kini og usa pa ka semana karong Abril aron ma-map out sa tibuok rehiyon ang mga lugar kon diin gituohan nga aduna pa’y mga bata edad 6 - 59 months nga wa pa mahatagan sa bakuna.

Base sa ilahang datus aduna na’y 169,619 ka mga bata nagpangedaron og 6 - 59 months old ang napabakunahan.

Kon iapil ang mga adults, moabot na sa 268,652 ang nabakunahan sa lukop Central Visayas.

Kini 69.49% sa kinatibuk-an nga target alang sa rehiyon nga anaa sa 244,000.

Lahi pa ang 145,618 nga mga tinun-an gikan sa kinder ngadto sa grade 6 nga nahatagan usab og bakuna batok sa tipdas.

Ang kaso sa measles sa Central Visayas niabot na og 1,304 gikan Enero ngadto sa Abril 3, ning tuiga.

Nag-una sa mga gidaghanon sa kaso mao ang lalawigan sa Sugbo sa 382 ka kaso; siyudad sa Sugbo sa 315 ka kaso; lalawigan sa Negros Oriental sa 257 ka kaso; lalawigan sa Bohol sa 147 ka kaso; siyudad sa Lapu-Lapu sa 85 ka kaso; siyudad sa Mandaue sa 59 ka kaso; ug lalawigan sa Siquijor sa 14 ka mga kaso.

Wa pa hinuon gilibkas hangtod karon ang outbreak status sa rehiyon sa tipdas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph