ANG NORFIL Foundation, Inc., social welfare agency nga nagbase sa Lapu-Lapu City nanawagan sa mga ginikanan sa mga bata nga ubos sa ilang pag-atiman.
1. Usa ka batang babae nga bag ong natawo nga nakit-an ni Arlene Ruiz, residente sa Zone 4, Buaya, Lapu-Lapu City niadtong Pebrero 10, 2018 duol sa MGM Buaya, Lapu-Lapu.
Ang maong bata gibanabana nga bag-ong natawo dihang nakit-an. pagka Pebrero 13, 2018, ang bata gi-refer sa NORFIL Foundation, Inc. alang sa Foster Care Program. Ang bata gihatagan og pangalan nga Dawn Canales.
2. Si Joell Suan natawo niadtong Enero 1, 2018. Si Joell temporaryo nga gibilin sa iyang inahan nga si Ella Monique Suan ug apohan nga si Merlinda Suan ngadto sa pag-alima NORFIL Foundation, Inc. Apan hangtud karon wala na si Joell baliki sa iyang inahan.
Kinsa kadtong dunay kahibalo or paryente niining mga bata, palihug pakigkita o motawag sa (032) 340-1170 ug 340-5722 ug pangitaon si Angelina Dungog, Area Manager o Sheryl Gay G. Mayol/Kate Canastra, mga Social Workers sa NORFIL Foundation sa Airbase Road, Sangi, Pajo, Lapu-Lapu.
Kon walay motunga nga ginikanan/paryente sa bata sulod sa tulo (3) ka bulan, ang bata ipaubos sa “legal abandonment” pinaagi sa Department of Social Welfare and Development ug sila ma issuehan ug Certificate as Legally Available for Adoption base sa Republic Act 9523. (PR)