MALAMPUSONG gitapos sa Department of Social Welfare and Development (DSWD) SLP ang ‘Likhang Hiraya: Pangarap patungong Pagsibo’ sa Parkmall sa dakbayan sa Mandaue dili pa lang dugay.
Ang nagkadaiyang asosasyon sa rehiyon nihalin sa kinatibuk-ang P108,851 sulod lang sa lima ka adlaw.
Gawas sa cash, dunay daghang orders atol sa trade fair.
Usa ka kompaniya ni-order og 300 pcs. pandan bags; usa ka tawo ni-order og 25 kilos sa dried fish o buwad.
Ang trade fair sa Parkmall naghatag og impresyon sa resulta sa natagbaws nga kustomer nga nalipay nga nasayod nga dunay asosasyon sa rehiyon 7 nga naggama sa dekalidad nga produkto gikan sa sinamay, pandan, raffia, bamboo, nito, shells, recycled materials ug uban pa.
Ang kalamposan sa Likhang Hiraya naghatag ug nagdala sa DSWD ug Parkmall sa paghiusa sa mga paningkamot nga masayran sa publiko ug moresulta sa dakong kita.
Sumala ni Parkmall Marketing Manager Ramon Matthew Reyes-Basabe, sila malipayon sa ilang pakighiusa sa DSWD.
“I am very happy to help you (SLP participants), I’m very positive that you are mall ready and so much more you are globally competitive,” matod niya.
“Thank you DSWD for bringing us to Parkmall. Also, our gratitude to Parkmall for allowing us to display our products here in your establishment rent-free,” matod ni Raymunda Nanoy, SLP participant.
Ang espasyo nga gitagana sa Parkmall nakatabang og dako sa SLPAs nga makahalin nga subra sa ilang gipaabot nga kita.
Gawas sa suporta sa partner agencies, ang serbisyo sa TV ug radio guesting nakatabang og dako sa mamugnaong ga ma produkto ug mga pagkaon nga nakatampo sa kalamposan sa kalihokan. (PR)