DEAR Noy Kulas,

Maayong adlaw kanimo. Ako si Olyn, mag-22 this year. Nagsuwat ko kanimo kay gusto kong magpatambag kabahin sa akong problema. Ingon ani man gud. Naa koy ka chat nga ang ngan Michael. Nag-meet na mi and we’re friends only. He is a good guy. He is nice and most of all religious man.

Naa sab koy uyab. Duha na mi ka tuig. Naa na siya sa hustong edad. Nagplano ming magminyo apan magtigom una mig kuwarta sa di pa magminyo. Karon, si Michael gustong motabang kanakong maka-abroad ko. Kay mao ra nay iyang ikatabang ngari nako. Nibakasyon man siya diri. Nalipay kaayo ang akong pamilya. Kinahanglang akong i-grab.

For updates from around the country, follow Sun.Star on Twitter

Apan dihang akong gisultihan ang akong boyfriend, against siya ini kay wa siya makaila kang Michael. Iya kong giingnan sa di pagsalig. Di sab siya gustong magkalagyo mi ug nabalaka sab siya sa mahitabo nako.

Nakasabot ko kaniya,Noy. Apan gusto man sab kong mo work sa abroad alang sa akong family. Wa ko ganahi sa kalisod sa kinabuhi karon. Naglibog na kog maayo unsay akong buhaton. Di ko gusto malain akong pamilya sa akong uyab. Or magkasungi sila. Kinahanglang mo-decide ko unsa ang mas makaayo nako. Salamat and God bless.

OLYN

Olyn,

Maayong adlaw diha nimo ug sa tanan kong readers dinhi sa Sugbo, Kabisay-an ug abroad. Daghan kog request nga nadawat sa akong YM. Meaning daghan gyud tag readers sa abroad. Usa sa ni-request ang long-time reader nako nga si Nora Paller Bernard nga toa na sa Germany.

Sa imong suliran kon kinsa ang imong pilion, lisod gyud kaayo na. Di sab ni diha-diha ug labaw nang di ako maoy mo-decide alang kanimo.Kon ang imong pag-abroad mas makaayo kaninyong duha in the long run, why not? Di man dautan ang paghuna-huna og unsay maayo alang sa pamilya ug imong ugma.

Tinuod sab gyud hinuon nga di ka angay nga mokompyansa or mosalig sa tawo nga wa kaayo nimo mailhi, labaw na kon estranyo. Daghan ra bang lion ug tigre nga maayo kaayong magpaka aron ingnon nga karnero. Daghan na ra bang nasulod sa laang.

Mao sab ni ang imong huna-hunaon og maayo. Unsa man gyud kalawom ang imong pagkaila kang Michael? Wa ba siyay lain nga motibo sa iyang pagtanyag kanimo og tabang? Kon adto ka papuy-on sa ilaha or nisaad siyang hatagan kag trabaho ingon man magsilbe siyang sponsor sa bisan unsa nga paagi aron ka makalusot, angay kang magbantay og maayo.

Tinuod talagsaon ang oportunidad nga makagawas ka. But, di maayong magdali-dali. Kon duna moy mga higala o kabanay sa gawas, pahibaw-a ug konsultaha. Aron kon magkinaunsa, duna kay madangpan ug mapangayoan og tabang.

Best of all, pag-ampo sa Ginuo aron ka magiyahan ug lamdagan unsay angay mong uhaton.

NOY KULAS