NAG-PEOPLE power ang kabanay sa notado nga drug pusher hinungdan nga naangol ang usa ka pulis sa Station 3 sa Mandaue City Police Office (MCPO).
Naingon sa nag tug-of-war ang mga operatiba ug ang mga kabanay sa suspetsadong drug pusher nga si Vicente Flomenteras, 47, minyo, taga-sityo Chicos, barangay Labogon, Mandaue City.Siya naa sa watchlist sa kapulisan.
Sigun sa asoy ni SP03 Edgardo Pasaylo kinsa nahinabi sa Sun.Star Superbalita nga niadtong Dominggo sa mga alas 3:20 sa hapon, nipahigayon og buy-bust operation ang operatiba sa Station 3 batok kang Flomenteras.
Positibo nga nakuhaan og drugas si Flomenteras sa ilang poseur buyer nga nipalit og pinakete nga shabu.
Human niini, ila dayong gidakop ang suspek ug ug gipusasan na unta ni P02 Fernando Fernan, apan nisuway sa paglugnot ang dinakpan.
Samdan sa iyang bukton si Fernan ug hingpit gyud nga nasikop ang suspek.
Apan, nanawag og backup ang mga pulis kay daghan sa mga kabanay ug paryente ni Flomenteras nga ningbabag kanila. Nahitabo gyud ang lamoklamok hinungdan nga nasamad ang bukton ni Fernan.
Sumala ni Pasaylo nga nahitabo kini sa sayong bahin sa 2000 kansang manghod ni Flomenteras dakpon unta sa kapulisan gumikan sa pagpamaligya og pinauga nga dahon sa marijuana nakaikyas sab. (FVQ)