Taga-Davao migilak sa Nat’l Chess

DAVAO. Si Samantha Umayan sa Davao City malipayong mipakita sa iyang under-13 girls champion’s trophy ugcertificate sa pagtapos sa 2019 National Youth and Schools Chess Championship-Visayas Leg sa Bacolod City ning bag-o lang. (Merlinda Babol Umayan Facebook)
DAVAO. Si Samantha Umayan sa Davao City malipayong mipakita sa iyang under-13 girls champion’s trophy ugcertificate sa pagtapos sa 2019 National Youth and Schools Chess Championship-Visayas Leg sa Bacolod City ning bag-o lang. (Merlinda Babol Umayan Facebook)

ANG taga Davao City nga si Samantha Umayan may dugang koleksiyon na sab sa iyang under-13 girls title human nanguna sa 2019 National Youth and Schools Chess Championship-Visayas Leg nga gihimo sa Bacolod City.

Ang second-seeded nga si Umayan, Grade 7 student sa Far Eastern University Diliman, mitigum og 6.5 points sa seven-round Swiss System format chessfest aron mapildi ang laing 17 ka magduduwa sa iyang kategoriya.

“Hindi ko po in-expect manalo kasi madami ring magagaling na sumali sa division ko. Nahirapan din ako halos sa lahat ng rounds po,” suma niya sa Facebook interview tali SunStar Davao.

Gipildi niya ang top seed Queen Rose Pamplona sa fifth round aron ibansiwag ang kadaugan.

Ang Dabawenya mipildi sab nila Yzabelle Noriel Nabor, Arleah Cassandra Sapuan, Charlize Mae Cuambot, Clier Ginarry Haresco, ug Arnie Joanne Suravilla.

Gipili niya ang moduwa sa Visayas leg tungod kini ra ang liga nga mamahimo siyang makatigi human siya miduwa sa 9th HDBank International Chess Tournament sa Ho Chi Minh City sa Vietnam.

Sa nakalabay nga Enero, nakuha niya ang girls under-14 crown sa 2019 National Age-Group Chess Championships Visayas Leg sa SM Seaside Cebu.

Ang maguwang niyang si Gabriel John Umayan, sa iyang kabahin mitapos nga ikaupat sa under-15 boys.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph