SUPERBALITA CAGAYAN DE ORO

35 ka armas gitahan atol sa Oplan Katok

ANAA na sa 35 ka mga klase-klaseng armas ang gitahan sa mga nanag-iya niini atol sa Oplan Katok sa kapulisan gikan sa Hulyo 23, 2018 hangtod Marso 31 ning kasamtangang tuig.

Tumong niini nga aghaton ang mga nanag-iya og mga armas nga e-renew ang ilang mga registration diin dunay 8,166 ka armas dinhi sa siyudad.

Sa impormasiyon gikan sa Cagayan de Oro City Police Office (Cocpo) sa pagsugod sa unang adlaw sa Oplan Katok anaa na sa 5,668 ka mga gipahigayong Oplan Katok diin ang mga personahe sa kapulisan ang manuktok sa mga panimalay nga dunay mga armas ug na-aghat nga ipa-renew ang mga pagparehistro niini ilabi na sa mga expired na ang mga lisensiya.

Sulod sa maong napahigayong Oplan Katok anaa na usab matud sa 121 ka mga armas ang giparehistro na sa pagbalik sa mga tag-iya. Anaa pa usab sa 2,498 ang angayang bisitahon sa kapulisan aron nga mamahimong legal ang ilang paghupot niining maong mga armas.

Anaa na sa 69 porsyento ang malampusong napahigayon nga mga pagbisita sa mga panimalay sa kapulisan.

“To inform the owners to renew their licenses,” matud ni Police Colonel Nelson Aganon, city director.

Base usab sa Republic Act 10591 o comprehensive firearms and ammunition regulation act angayang iparehistro og utro ang mga lisensiya sa armas matag upat ka tuig ug ang lisensiya sa paghupot niini angayang iparehistro og balik matag duha ka tuig.

Ang makalapas usab niini posibleng mag-atubang sa mga silot ilabi na sa pagkabilanggo sa unom ngadto sa dose ka tuig ug uban pa depende sa klasipikasiyon sa armas.

Kini kabahin sa hugot nga kampanya ug tumong usab niini nga mamahimong hapsay ug malinawon ang umaabot nga eleksiyon karong umaabot nga Mayo 13.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph