ANS alumni mopahigayon og grand homecoming

HAN-ay na ang tanan alang sa ipahigayong Grand Alumni Homecoming sa mga nigradwar sa Abellana National School (ANS) karong Abril 13.

Kini mao ang gipahayag ni Engr. Daisy Toledo, ang pangulo sa Abellana National School Alumni Federation (ANSAFI), ang nagpasiugda sa maong kalihukan.

Si Toledo nidugang nga ang alumni homecoming pagabuksan pinaagi sa usa ka parada gikan sa Fuente Osmeña paingon ngadto sa Cebu City Sports Center. Adunay registration inig abot sa gym sa kantidad nga P50, isip pag renew usab sa membership sa ANSAFI.

Mosunod dayon ang usa ka santos nga misa ug pagabanusan kini sa nagkalain-laing kalihukan, sama sa games, raffles, og presentation sa matag batches.

Giawhag ang mga alumni sa ANS nga makiglambigit sa ANSAFI o ba kaha sa mga opisyales sa ilang batches alang sa dugang kasayuran. Mahimo usab nga motawag sa ANSAFI Secretary nga si Mafe T. Barceló sa 09173829016.

Ang ANS maoy labing karaan nga publikong tunghaan sa Sugbo diin daghang graduwado nga nahimong inila nga lider sa Sugbo ug tibuok nasod, sama kanhi Supreme Cource Chief Justice Hilario Davide, II. (PR)