BUOT nga ibalik sa orihinal nga konsepto kaniadto ang karaan nga amphitheatre diin mao kini ang tapukanan kaniadto sa matag pamilya ug ilado nga landmark dili lamang sa siyudad apan sa tibuok Northern Mindanao.
Gipahigayon niadtong Abril 4 ang groundbreaking ceremony sa Plaza Divisoria sa pagpangulo ni Mayor Oscar Moreno.
Ang unang hugna sa maong proyekto nagkantidad kini og P76 milyones gikan ni Senator Aquilino Martin “Koko” Pimentel III diin kini nga proyekto usab parte sa tibuok rehabilitasiyon sa Plaza Divisoria nga gitawag nga Project Lunhaw inubanan usab sa United Nations Habitat.
Gitakdang butangan kini og opisina, multi-level nga parkingan diin maka-akomodar og anaa sa 40 ka mga sakyanan lakip na usab ang buhatan sa kapulisan ug Barangay hall.
Matud ni architect Maria Linda Escaba, representante sa United Architects of the Philippines-Cagayan de Oro chapter diin sila ang nagdesinyo niini mibutyag nga niining maong rehabilitasiyon mabalik ang kanhi ilado nga Amphi diin tapukanan kini ug dunay daghang kalingawan matag adlaw nga Dominggo.
“We would like to bring back the amphitheater which is originally being on what is the concept of this area, we consider it as a main cultural aspect of Cagayan sauna, known man gyud ang amphitheatre nga mao ang iyang tapukanan sa mga tawo,” matud ni Escaba.
Gidugang pa niini nga gi-konsidera usab niini mao ang aspeto sa paghatag og importansya sa kinaiyahan.
“Kani tanan nga aspect sa environmental, sa pagpreserve sa unsay dapat e preserve nato, enhancement sa kanang walkability para ma lessen ang greenhouse effect,” dugang niini.
Tungod usab matud sa gasa sa kinaiyahan ilabi na sa suba hinungdan nga kining maong proyekto usa ka jump off point sa Lunhaw nga proyekto nga mosumpay diin usa sa mga maanindot nga talan-awon kung mahuman kini mao ang Cagayan de Oro river.
Samtang matud usab ni Moreno nga matag lugar dunay landmark ug sa siyudad mao kini ang Amphi diin daghan na ang mga dagkong panghitabo ang nahimo sa maong dapit.
“This is historic, ang memory sa amphitheater not necessarily the amphitheater that I grew up with but rather more importantly the amphitheater that the community has grown up with, mga big events, mga campaigns for the presidency dinhi, " matud ni Moreno.
Nagpasalamat usab ang kapitan sa Barangay 6 nga si Glenn Ian Lim Chiu gumikan kay sa kadugay sa panahon maatiman na kini ug dako kini nga garbo sa ilang Barangay.