ANG pagpalambo sa pagkonektar sa mga kalsada, lakip na urban landscape sa siyudad, usa sa nag-unang gitutukan sa dugang kalambian sa siyudad ilawom sa administrasyon ni Mayor Engr. James G. Gamao.
Sa iyang 4th State of the City Address, Marso 27, si Gamao misaad og dakong kalambuan ug kausaban sa urban landscape sa siyudad inubanan sa nagkadaiyang infrastructure projects nga ipatuman karon nga tuig subay sa iyang development agenda.
Apil dinhi ang konstruksiyon sa drainage canals, pag-riprap sa mga sapa, pagpanindot sa mga tampi, rehabilitasyon sa karaan ug nangliki nga kalsada ug road widening sa city ug national roads.
Ang siyudad nag-invest sab sa “asphalt batching plant” ug “paving equipment” alang sa mas posible nga pagsemento sa mga barangay roads.
Sa mosunod nga katuigan, ang mayor naglantaw nga mapanindot pa ang road intersections sa siyudad, makatagana og alternatibong dalan aron maminusan ang trapik sa siyudad.
Pinaagi niini masiguro nga madala biusan sa pinakasuok nga barangay ang serbisyo publiko.
Luyo sa pagpanindot sa kadalanan, gianunsiyo sab ni Gamao ang pag-develop sa City Parks and Plaza nga balor P14 million, kini aron kahatagan og lugar ang mga Panaboans nga makapahuway ug maglingaw-lingaw.
Gidugang sab ni Gamao ang redevelopment sa Central Public Market nga sugdan karon nga tuig, samtang ang flyover project makumpleto sa 2019 subay sa saad sa Department of Public Works and Highways (DPWH). (Gihubad sa Binisaya ni Rhona Goc-ong-Villariasa)
++
Ubang hulagway kuha ni Mark Perandos sa SunStar Davao atol sa 18th Araw ng Panabo celebration
--
Kaatbang ni Ate Vi, gi-endorse ni Inday
Way paki si Vilma Santos kung gi-endorso man ni Davao City Mayor Inday Sara Duterte-Carpio ang kaatbang niya karon sa pulitika.
Gisuportahan ni Mayor Sara si Lipa City Mayor Meynard Sabili.
“Sanay na ako. Twenty-one years na ako sa politics,” ni Ate Vi.
“Ngayon pa ba ako magpapaapekto? Lahat na yata ng kampanya’t may kalaban, pinagtulungan, lahat dinaanan ko na. That’s part of being in politics. Pero kung nakatagal naman ako ng 21 years, palagay ko, I must have done something good para pagkatiwalaan ka ng mga tao. Lalo na ang mga Lipeño. Dahil ang mga Lipeño ang unang-unang nagtiwala sa akin na maging mayor! Kaya kung doon lang, I should be grateful na," suma sa inahan ni Luis.
--
Ex ni Catriona may kalaplapan sa bar
NAKUHAAN og video ang model-actor nga si Clint Bondad nga may kahalok nga wa mailhing babaye.
Sa pep.ph. kung basehan ang video, anaa sa bar si Clint.
Niadtong Marso 25 nagpost sab og photo si Clint samtang nagduwa og golf.
Sa hulagway may kauban siyang babaye, apan di maklaro ang nawong kay nakakalo.
Di sab tin-aw kung kini ba ang babaye nga iyang kahalok sa bar.
By the way si Clint ang ex-bf ni Miss Universe 2018 Catriona Gray.