Dear Noy Kulas,
Maayong adlaw. Nagpadala ko nimo og suwat kay nahinumdom ko naa ka aning problemaha pero di lang ko sure. Naka experience ko ani karon unya dako ni nga problema kay parte ni sa akong marriage.
Adtong 1989-1994, nagkauyab mi ni Mr. M. Gatuo gani ko nga kami ang magkadayon pero kalit ra siya nahanaw kay diay ni-abroad siya. Wa ko niya ma contact kay niadto ko og Mindanao kuyog sa akong igsuon. Wa ko kapananghid niya kay dinalian ang among tuyo unya dugay kong nabalik diri. Lisod ang communication pud mao nga wa siya maka contact nako. Wa mosulti nako ang akong pamilya nga nagsige siya og pangita hangtod nga nakauyab ko og lain ug naminyo sa akong bana karon.
Last year, nagkahimamat mi og balik sa usa ka reunion. Wa mi makasabot sa among gibati sa among panagkita kay nagka connect dayon mi. Noy, I still love him so much ug mao sab siya. Pero puro na mi minyo ug naa nay mga anak. Karon, ang among duha ka marriages di maayo og dagan for years. Iyang partner naay lain while ako, akong bana pirme na nasakpan nako nga nangabit. Di na maihap ang iyang mga babaye ug nakapaanak na siya og kaduha.
Noy, okay ra kaha kon kami na kay desidido siyang mo-file og divorce.
ZEA
Zea,
Hilota una ang unsay inyong problema sa imong bana. Pahunata siya kon moundang ba siya sa iyang pagpamabaye o di. If you feel nga di siya makaundang ug mag-antos ka uban niya, seek og legal advice kon di ka na makaaguwanta sa psychological effect sa iyang pagpamabaye. Or karon lang ba ni nga nagkakita mo sa imong ex. Kay whatever ang circumstances sa inyong ex kaniadto, di ni angay nga himuon nga rason nga magbalik mo. I resolve daan ang inyong tagsa ka mga problema una kay kon magbalik mo, nag-create mo og laing problema, labina ikaw.
Kon di mag-usab ang imong bana, anha ka na diha mohimog lakang nga legal nga mas maayo maoy imong pagabuhaton inay diretso nimo siyang idispatsar. It will create problems in the future kon manglaktod ka. Seek legal advice kon di mag-usab ang imong bana. Kon unsa may padulngan ini, diha ka na mo-decide moambak ka ba sa laing relasyon.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com