DI NA maihap ang gidaghanon sa mga magti-ayong nanagbuwag tungod kay gipa-undayunan ang sayop nga desisyon sa pagminyo o kaha napugos ra kay ‘shot gun marriage’.
Matod ni Dr. Roger Barrier dunay mga pasidaang signos sa kina-iya o personalidad nga maghatag og pasidaan aron di mahikot sa kompromiso ug responsibilidad nga magpuyo sa kaguol ug pagmahay una magminyo.
Di ba ‘nobody is perfect’? Kay kung tinuod pa nga dunay perpiktong pamanhonon o pangasaw-unon, nangahalin na unta ang mga ulitawo ug dalaga. Apan ang reyalidad, daghang kontento na lang nga maglive-in kay gawas nga menus gastos sa kasal, mahadlok sab nga magpahigot sa dayon.
Kining mosunod maoy mga klase sa kina-iya o personality disorders nga angay bantayan una modisisyon sa pagpahi-kukabildo.
Kining Narcissistic og personalidad. Kanunay kining maoy magbuot o matuman. Para ini niya, siya ra ang pirming insakto og di maminaw og rason.
Sunod ang Borderline Personality Disorder. Di emotionally stable kay mokalit lang og usab ang mood. Usahay sweet kaayo unya kalit lang nga mag aburido o barumbado. Magkinto kanunay ang ka relasyon ini.
Sunod kining Antisocial Personality Disorder. Kini nga kina-iya di kahibalo kung asa ang insakto o sayop maong dali ra kini silang makapasakit sa ubang tawo ug di igbali, maghuna-huna o magmahay sa ilang mga buktot nga binuhatan.
Ang uban sab dunay kina-iya nga Obsessive-Compulsive Disorder. Mga perfectionista kini ug way ka kontento sa ilang mga naabot og kalipay sa inadlaw-adlaw nga gasa sa kahitas-an. Kasagaran sab ini nila di kasugakod og kahuman sa ilang mga ginbuhaton.
Duna say uban nga dunay Dependent Personality Disorder nga magsalig sa uban. Wa kini kaugalingong baruganan kay magsalig kini sa uban nga mo desisyon para nila. Dali ra sab kini silang mahi-ubos ug masakitan labi na kung sawayon o di matuman ang gusto kay gusto ini nila segihon lang og dayeg.
Kini og daghan pa atong tukion sa sunod nakong lindog sa uma-abot nga Sabado.