Editoryal: Mga pulis gigamit sa pulitika

Editorial Cartoon by Ariel Itumay
Editorial Cartoon by Ariel Itumay

MIULBO ang kaspa ni Cebu City Mayor Tomas Osmeña tungod sa nahitabong pagpangrakrak sa tagsatagsa ka mga balay sa tulo ka mga kapitan sa bukirang barangay sa dakbayan sa Sugbo.

Ang unang girakrakan mao ang balay ni Dennis Dabuco, kapitan sa Barangay Malubog nga nahitabo niadtong Miyerkules, Abril 3, ug gisunod nianang pagka Huwebes, Abril 4 ang balay nila ni Sudlon 2 Barangay kapitan Pricillo Albores ug dayon ang kang Sinsin barangay captain Aurello Lascuna.

Ang nakapasuko og maayo sa mayor kay ang mga kapitan pulos kaalyado sa Bando Osmeña Pundok Kauswagan (BOPK), hinungdan nga dako ang iyang pagtuo nga pulitika nga nagpaluyo niini.

Sa pagkakaron, wa mailhi ang mga nagbuhat sa ingon kinsa, matod pa sa taho, nga nagsakay og motorsiklo.

“They’re only targeting BOPK officials, but they will not target the barangay captain og Sudlon I because he is Team Rama. I’ve always respected President Duterte but never in the 30 years I’ve known him that he has used the police for politics, but this is what is happening here in Cebu. The police has been used for politics,” matod ni Osmeña.

Di ta kabasol sa alegasyon sa mayor kay dunay posibilidad nga kini tinuod. Basin og duna siyay igong gibasehan.

Nahinumdom mo niadtong 2013 election diin si Presidente Benigno “Noynoy” Aquino pa ang namuno-an?

Niadtong panahona, si Mar Roxas nga maoy secretary sa Department of Internal ang Local Government (DILG) gihugonhugonan nga maoy modagan pagka presidente.

Daghan ang nagduda niadtong higayona nga ang mga mga kapulisan usab, pinangulohan ni General Marcelo Garbo, gigamit sa pamulitika tungod sa kaaktibo niini sa pagpanggukod sa mga pulitiko nga kaatbang sa mga kaalyado sa administrasyon? Wa kini malilong ni Osmeña ug basin kini maoy iyang gibasehan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph