SI Bonbon Custodio midribol og 13 puntos uban ang siyam ka rebounds ug tulo ka assists aron aswaton ang Davao Occidental Tigers Cocolife's 66-48 nga kadaugan kontra defending champion Batangas City Athletics Tanduay aron makuha ang Game 1 sa Maharlika Pilipinas Basketball League (MPBL) 2019 Datu Cup South Division Finals sa Almendras Gym Davao City Recreation Center, Huwebes sa gabii.
Si Custodio giilang best player sa krusyal nga game 1.
Sila Joseph Laslee Terso ug Mark Yee midugang og tag-10 puntos samtang sila Emman Calo ug Leo Najorda scored mihatag sab tag-10 puntos.
Si Jayson Grimaldo, sa iyang kabahin dunay 13 puntos alang Batangas City Athletics.
Si Davao Occidental Tigers team owner Claudine Diana Bautista, sa iyang Facebook, nagpasalamat sa Ginoo sa ilang kadaugan ug sa mga supporters nga milantaw sa duwa nga live sa Almendras Gym ug kadtong mitan-aw via TV ug livestreaming.
“Sa inyo po kumukuha ng inspirasyon at lakas ang team. To my players and staff, the management will always be thankful for your loyalty and trust (since the day we started). Continue to play good and fair so we can reach our goal,” ni Bautista dugang sa pagsulti nga ang management padayon nga moatiman sa mga magduduwa.