ANG Bibliya nagsulti na kanato sa usa ka nindot nga istorya sa Bibliya.
Makita kini sa libro sa Ikaduhang Hari, kapitulo 5.
Si Naaman maoy kumander sa hari sa Syria, sa kapanahunan nga si Elisha ang propeta sa Samaria. Usa siya ka maayo nga tawo, ug ang iyang pagkamaayo naghatag og daghang panalangin sa iyang nasud. Usa kini mao ang ilang kadaugan batok sa Israel, nga naghatud kanila niining batang babaye nga nahimo nilang katabang.
Apan si Naaman usa diay ka sanglahon. Ug dako gayud ang iyang kaguol tungod niini.
Usa ka adlaw, nakita niining bata nga naguol ang iyang agalong babaye. Iya kining gipangutana, ug gitug-anan siya. Sa iyang pagdungog, iyang giingnan dayon ang iyang agalon, “Kung makaadto lang unta sa Samaria si Sir, ug maayo gayud siya didto tungod tua didto ang propeta sa Diyos.” Bidlisiw sa paglaum. Nakakita og paglaum ang magtiayon. Malipayon nga gisugilon kini ni misis Naaman kining maayong balita sa iyang pinalanggang bana.
Kabuotan ba gayud kining bat-ana. Hunahunaa ra god- gihimo siyang ulipon ni Naaman, nga maoy nagpildi sa iyang mga katawhang Israelinhon. Apan iya pa gayud gitabangan kini aron maayo siya sa iyang sangla.
Ug niadto pod si Naaman sa Samaria. Nagkita sila ni Eliseo, gipaadto siya sa suba sa Jordan ug didto nahitabo ang bantugang istorya nga naayo si Naaman human siya nitusmog sa ikapitong beses.
Daghang leksiyon ang atoang makat-onan niining istorya. Una, si Naaman, nituo sa bata bisan pa og dili kaayo kasaligan ang istorya sa mga bata. Matud pa sa 2 Hari 5: 4, “Mao kini ang gisulti sa batang babae sa yuta sa Israel.” Kining mga pulong nagpasantop kanato nga si Naaman usa ka mapainubsanon nga tawo tungod kay nitoo lagi siya sa batang gamay.
Ang bata pod, pagkabuotan lang gayud. Mao pay giulipon, mao pay nitabang sa iyang agalon. Kung uban pa to, giingnan tingali niya og “may'ra nga nasangla.” O di gani, gihiloan.
Ang maayo ni Naaman, kay iyang gitagad nga kamatuoran ang gisulti sa bata. Kay kung iya ra kadtong gi-bale wala, wala juy mirakulo nga nahitabo kaniya.
Ang bata pod, wala niya giila ang iyang mga agalon nga kontra. Iyang gidawat ang iyang nadatnan nga sitwasyon, ug nagkinabuhi nga matinumanon sa iyang trabaho bisan pa gihimo siyang ulipon.
Si Naaman nahimong magtutuo sa Diyos human kaniadto. Tungod sa batang babaye nga naghatag og kamaayo kaniya, iyang natagamtaman ang kalipay nga iyang naangkon tungod sa iyang pagkaayo. Salamat sa batang gamay.