SECTIONS
Monday, July 22, 2019
SUPERBALITA CAGAYAN DE ORO

Death penalty hingusgan ni 'Bato'

BUOT hingusgan sa usa ka nagpapili pagka-senador sa nasud ang pagbalik sa death penalty alang sa mga drug traffickers ug ang pederalismo sa Mindanao.

Kini ang gibutyag ni kanhi hepe sa Philippine National Police Ronald “Bato” Dela Rosa atol sa senatorial caravan sa Hugpong ng Pagbabago niadtong Abril 5 sa University of Science and Technology of Southern Philippines (USTP) gymnasium ning siyudad sa Cagayan de Oro.

“Death penalty sa mga drug traffickers, way labot mga pusher, mga user, katong mga big-time, katong nagpabaha og shabu sa atong nasud, para sa Mindanao dapat ma push ang Federalism,” matud ni Dela Rosa.

Ang ubang mga senatorial nga kandidato usab nagpadayag sa ilang mga panglantaw alang sa Misamis Oriental ug siyudad.

Samtang sa iyang bahin, buot ni Ilocos Norte Gobernador Maria Imelda Josefa Marcos nga dalhon sa Mindanao ilabi na sa Misamis Oriental ang giingong Pantawid Ani sa Ilocos alang sa mga mag-uuma.

“Katulad nito may emergency, may El Niño at masisira yung ani ang gagawin namin ay mamigay kami ng cash for works for 3 to 6 months, maski yung mga pag-ayos ng pilapil, pag repair ng mga kanal at babayaran yung mga farmers,” matud ni Marcos.

Giingong kinahanglan nga naay kita ang mga mag-uuma hangtod sa ikaduhang sikulo diha sa pag-uma aron nga dili kini malumos sa utang.

“Yun ang gusto ko sana dito, total meron ng pera sa DSWD, may Tupad sa DOLE, may unskilled labor ng public works so we can put it all together and make it a pantawid ani para sa farmers and fisherfolk,” dugang ni Marcos.

Samtang nagpadayag usab si Jinggoy Estrada kinsa kanunay matud nga number one sa Cagayan de Oro nga kanunay kini nga makakunsolta sa mga lokal nga opisyal aron nga masayran ang panginahanglanon ug sulbaron kini.

“Sa tanang political career ko lage po ako number 1 sa Cagayan de Oro of course siguro dahil sa Erap magic is still working in Cagayan de Oro or whole province, kung ano man ang kailangan ng lalawigan I can always consult with the local officials para malaman natin ang problema,” matud ni Estrada.

Gipadayag usab ni Zajid Mangudadatu ang iyang buot nga himuon sa Mindanao ilabi na nga mamahimong hingpit na nga malinawon ang Mindanao ug suportado niini ang localized peace talk.

“Medyo unfair man sa uban pero unahon gyud nato ang Mindanao daghan ta matabang sa Cagayan de Oro, Misamis Oriental, pinakauna nga mahimo regarding sa gubot nga kita ang mo-facilitate ana,naay Muslim-Filipino representation from senate,” matud niini.

Si Pia Cayetano usab nagpadayag nga ipadayon niini ang mga nahimo sa siyudad ilabi na sa isports, edukasiyon, panglawas ug sa pamilya lakip na sa mga kababayenhan.

“Ang sport naman siguro na prove ko na siguro na gina prioritized ko ang sport even in CdeO, kasi with my own funds hindi yan government fund nag-organized ko diri og football tournament for women all over the country ang gi-invite ko,” matud ni Cayetano.

Nagpadayag usab sila si Sonny Angara ug Francis Tolentino sa ilang mga panglantaw alang sa Misamis Oriental ug sa siyudad sama sa edukasiyon ug panglawas.

Nasayran nga bag-o lang napasa niini nga expanded maternity leave nga anaa na sa 105 ka adlaw diin kaniadto anaa lamang sa 60 ka mga adlaw.

Samtang wala usab nakaabot sa siyudad sila si Bong Revilla ug Bong Go atol sa maong senatorial caravan ug proclamation rally.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph