ANG Hollywood actor nga si Darren Criss ug iyang misis nga si Mia Swier ang kasamtangang anaa sa El Nido, Palawan.
Gi-post sa Filipino-American actor ang ilang hulagway kagahapon Abril 7 diha sa iyang Instagram account nga anaa sila sa Miniloc Island Resort sa El Nido.
Sa sayo pa, ang fashion designer nga si Francis Libiran ang mi-post og picture uban sa actor didto sa usa ka hotel sa Taguig, base sa taho sa ABS-CBN.
Si Libiran maoy mihimo sa barong Tagalog nga gisul-ob sa actor atol sa iyang wedding reception niadtong Pebrero.
Nasayran nga si Criss anak og Cebuana ug naila sa iyang portrayal isip Blaine Anderson sa musical comedy-drama TV show “Glee.”
Misikat sab si Criss sa iyang award-winning performance sa papel nga Andrew Cunanan sa pelikulang “The Assassination of Gianni Versace: American Crime Story.”