GIPAHIBAWO sa production director sa Kadaugan sa Mactan 2019, Victor Cuenco nga masaksihan ang cinematic ug theatrical performance atol sa tinuig nga re-enactment sa Kadaugan.
Matod pa ni Cuenco nga dugang props ilabi na ang pagpahimo og life size façade sa galleon nga giluwanan ni Ferdinand Magellan ang mapuno alang karong tuiga ilabi na nga gipalapdan sa Lapu-Lapu City government ang Liberity Shrine, Barangay Mactan.
Pabilin gihapon nga musical ang presentation sa re-enactment sama sa miaging tuig nga adunay gipuno nga theatrical performance nga magpakita sa kinabuhi kaniadtong ni Datu Lapu-Lapu sukad sa iyang pagkabata.
Ang re-enactment hayan molanat ngadto sa 35 ngadto sa 40 minutos.
“There will be full feelings with a touch of emotions ang acting sa lead cast. To show the love and family values during sa play,” matod pa sa artistic director nga si Mark Masa
Sud sa ikatulong higayon nga si Rudy Aviles, maoy script writer ug director sa pasundayag kinsa mipa-ambit nga usa sa hatagan nila og highlight mao ang pagpakita nga si Reyna Bulakna usa ka “Binukot” princess.
Gipahibawo ni Aviles nga masaksihan sab nga rustic ug indigenous materials ang gamiton nga props nga duol sa kinaraang panahon.
Samtang si Hembler Mendoza, city tourism officer nagkanayon nga gibana-bana nga moabot ngadto sa 35,000 ngadto sa 40,000 ka tawo ang ma-accommodate sa gipalapdan nga Shrine atol sa kalihokan diin ang siyudad mobutang og mga bleacher sa area.
Gipahibawo sab nga ang Kapuso actor nga si Derrick Monasterio maoy modala sa papel ni Datu Lapu-Lapu, Pinoy Big Brother Teen Edition 4 winner Myrtle Sarrosa maoy Reyna Bulakna samtang si Kapamilya actor Mark Neumann magsilbing Ferdinand Magellan atol sa re-enactment sa Kadaugan Sa Mactan karon Abril 27, 2019 nga ipahigayon aa Liberty Shrine. (FVQ)