Kinhason mihinay sa merkado tungod sa 'red tide advisory'

DIGOS CITY -- Apektado ang mga baligyang kinhason sa mga negusyante sa Digos City Public Market ug ubang merkado sa Davao del Sur human nagpagawas og abiso ang Bureau of Fisheries and Aquatic Resources (BFAR) sa Davao Region kalabot sa red tide niadtong Biyernes, Abril 5.

Aminado ang fish vendor nga si Alma, 34-anyos, nga mihinay ang iyang baligyang kinhason human masayod ang mga konsumante nga angayang likayan una ang pagkaon niini.

Si Luisa, 48 anyos, fish vendor sa Bansalan, Davao del Sur, nga wa na sab namalit sa ilang paninda hasta ang isda naapil og kahinay tungod sa abiso nga apektado sa red tide ang kadagatan sa Sta. Maria, Davao Occidental ug Balite Bay sa Mati City, Davao Oriental.

Hinuon, sa maong abiso ni Fatima Idris, BFAR-Davao Region director, nasayran nga dili apektado ang mga isda, pasayan, alimango ug lambay.

Apan, sumala ni Frank Cansancio, 31 anyos, nga naapektuhan gihapon ang ilang baligyang isda sanglit daghan sa mga konsumante ang di mokaon og mga sud-an nga gikan sa dagat kun makadungog og isyo sa red tide.

Matod sa BFAR, mahimong maka-apekto sa panglawas sa usa ka tawo ang red tide kun masud sa lawas ilabi pa kun huyang ang istamina.

Sa Davao del Sur, wa pa'y usa ka indibidwal nga naigo sa red tide human miguwa ang abiso sa BFAR.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph