Barrita: Suicide mission

NIAWHAG si Presidente Rodrigo Duterte sa China nga di nila hilabtan ang Pag-asa Island, ang labing dako nga isla sa Kalayaan Island Group nga giokuphana sa mga Pilipino, kay kon di, magpadala siyag ug mga tropa nga Pilipino sa usa ka “suicide mission.”

Matdo sa Presidente, tambag ra niya kini sa China, di warning. “I am asking you, I will not plead or beg, but I’m just telling you, lay off the Pag-asa because I have soldiers there. And if you lay a finger on them, it’s another story. I will tell my soldiers, prepare for a suicide mission,” matod pa niya.

Kon amigo niya ang China, nganong hilabtan man ang teritoryo sa Polipinas? Sama ra kini sa usa ka kompare nga hilabihan ka suod, hastang asawa gidagit.

***

Matod pa sa pangulo, “Let us be friends, but do not touch Pag-asa Island, otherwise, things would be different.” “I’m trying to tell China, Pag-asa is ours. We have been there since 1974,” matod pa niya.

Pero ang China, nga atong giila nga higala, mipaliyok og labinjg menos 375 ka mga barko palibot sa Pag-asa Island sukad niadont buwan sa Enero, sumala pa sa taho sa Western Command sa Armadong Kusog sa Pilipinas.

Mao tingali kini ang timailhan sa usa ka higala sama sa China. Gilibitoan ang atong isla di aron pagpanalipod kanato pero alang sa pagtuok nato aron di na nato kini maangkon.

***

Giangkon sa china ang halos tanan nga South China Sea, lakip na ang Pag-asa. Apan usa ka desisyon sa international arbitral tribunal sa 2016 niingon nga way katungod ang China nga moangkon sa maong dapit. Ang Pilipinas, China, China, Vietnam, Brunei, Malaysia ug Taiwan niangkon nga tag-iya sa Spratly Islands.

Si Senador Panfilo “Ping” Lacson niingon nga mokuyog siya si Presidente Duterte sa pagbisita sa Pag-asa island. Wa pay presidente nga nakabisit sa maong lugar, usa ka barangay sa lungsod sa Kalayaan, Palawan.

Ambot lang kon magbarko ba sila, mag-eroplano ba sila, o mag jet sku ba. Pero kon modayon si Presidente Duterte, siya pa ang labong unang pangulo nga makataak sa maong isla.